કફ સિરપથી બાળકોના મૃત્યુથી હોબાળો મચી ગયો છે. ડોકટરો અને દવા કંપનીઓ વચ્ચે ઘર્ષણ ચાલી રહ્યું છે. મધ્યપ્રદેશમાં તપાસ ચાલી રહી છે અને કાર્યવાહી કરવામાં આવી રહી છે. આ દરમિયાન, રાષ્ટ્રીય માનવ અધિકાર આયોગ (NHRC) એ પણ ત્રણ રાજ્યોને નોટિસ ફટકારી છે અને રિપોર્ટ માંગ્યા છે.
કફ સિરપથી થતા મૃત્યુ અંગે નોટિસ ફટકારી
રાષ્ટ્રીય માનવ અધિકાર આયોગે મધ્યપ્રદેશ, રાજસ્થાન અને ઉત્તર પ્રદેશની સરકારો અને ડ્રગ કંટ્રોલર જનરલને કફ સિરપથી થતા મૃત્યુ અંગે નોટિસ ફટકારી છે. મધ્યપ્રદેશ, રાજસ્થાન અને મહારાષ્ટ્રમાં કફ સિરપ પીવાથી ઘણા બાળકોના મોત થયા છે, જેના કારણે આરોગ્ય મંત્રાલયે તપાસ શરૂ કરી છે. કેરળ અને તેલંગાણા જેવા રાજ્યોએ જાહેર ચેતવણીઓ જારી કરી છે અને સીરપ પર પ્રતિબંધ મૂક્યો છે.
