વૈશ્વિક સ્તરે વધતા ક્રૂડ ઓઈલના ભાવો હવે દક્ષિણ એશિયાના દેશોમાં સ્પષ્ટ રીતે દેખાઈ રહ્યા છે. ભારતના પડોશી દેશો જેમ કે પાકિસ્તાન, શ્રીલંકા, બાંગ્લાદેશ અને નેપાળમાં પેટ્રોલ અને ડીઝલના ભાવમાં નોંધપાત્ર વધારો નોંધાયો છે. આ પરિસ્થિતિ માત્ર આ દેશોના નાગરિકોને જ નહીં, પરંતુ સમગ્ર ક્ષેત્રના આર્થિક સંતુલનને અસર કરી રહી છે. આંતરરાષ્ટ્રીય બજારમાં તેલના ભાવમાં વધારો મુખ્યત્વે પશ્ચિમ એશિયામાં વધતી તણાવપૂર્ણ સ્થિતિ, ખાસ કરીને ઈરાન સાથે જોડાયેલા સંઘર્ષ અને સપ્લાય ચેઈનના વિક્ષેપને કારણે થયો છે. આ કારણોસર તેલ આયાત પર નિર્ભર દેશોમાં સીધો ભાવવધારો જોવા મળી રહ્યો છે.
આયાત આધારિત અર્થતંત્ર
મ્યાનમાર મોટાભાગનું પેટ્રોલિયમ ઉત્પાદનો આયાત કરે છે. દેશમાં સ્થાનિક રિફાઈનિંગ ક્ષમતા મર્યાદિત છે, જેના કારણે આંતરરાષ્ટ્રીય બજારમાં ભાવ વધે તો તેનો સીધો અસર સ્થાનિક બજારમાં પડે છે. ઉપરાંત, મ્યાનમારની કરન્સી ક્યાટ છેલ્લા કેટલાક વર્ષોમાં નબળી પડી છે. ડોલર સામે ક્યાટના અવમૂલ્યનને કારણે આયાત ખર્ચ વધે છે, જેના કારણે પેટ્રોલ અને ડીઝલ વધુ મોંઘા બને છે.
આ પણ વાંચો: 'જો પરિસ્થિતિ જલ્દી નહીં બદલાય તો આપત્તિ નિશ્ચિત છે' : પીએમ મોદીએ નેધરલેન્ડથી વિશ્વને આપી ચેતવણી
રાજકીય અસ્થિરતા અને સપ્લાય ચેઈન
મ્યાનમારમાં 2021 પછીથી ચાલતી રાજકીય અસ્થિરતા પણ ઊર્જા પુરવઠા પર અસરકારક બની છે. આંતરિક સંઘર્ષ અને લોજિસ્ટિક સમસ્યાઓને કારણે ઇંધણનું વિતરણ સમાન રીતે થઈ શકતું નથી. ઘણા વિસ્તારોમાં ઈંધણની અછત પણ નોંધાય છે, જેના કારણે બ્લેક માર્કેટમાં ભાવ વધુ ઊંચા રહે છે. આ પરિસ્થિતિમાં સામાન્ય નાગરિકો માટે વાહન વ્યવહાર અને રોજિંદા જીવન વધુ ખર્ચાળ બની રહ્યું છે.
સામાન્ય લોકો અને અર્થતંત્ર પર અસર
ઈંધણના વધતા ભાવોનો સીધો પ્રભાવ પરિવહન ખર્ચ પર પડે છે. પરિણામે ખાદ્યપદાર્થો અને અન્ય જરૂરી વસ્તુઓના ભાવમાં વધારો થાય છે. મ્યાનમાર જેવા દેશમાં, જ્યાં પહેલેથી જ આર્થિક અનિશ્ચિતતા છે, ત્યાં આ વધારાનો ભાર ગરીબ અને મધ્યમ વર્ગ માટે ગંભીર પડકાર બની રહ્યો છે. નાના વેપારીઓ અને ટ્રાન્સપોર્ટ ક્ષેત્ર પર પણ આનો નકારાત્મક પ્રભાવ પડી રહ્યો છે.
આ પણ વાંચો: ઘરેલું ગેસ સિલિન્ડર માટે નવા દરો જાહેર કરવામાં આવ્યા : જાણો આજે કયા ભાવે થઈ રહ્યું છે ગેસનું બુકિંગ
વૈશ્વિક પરિસ્થિતિનો પ્રભાવ
પશ્ચિમ એશિયામાં વધતી જીઓપોલિટિકલ તણાવ ખાસ કરીને ઈરાન સંબંધિત પરિસ્થિતિ, વૈશ્વિક તેલ પુરવઠાને અસર કરી રહી છે. આ કારણે આંતરરાષ્ટ્રીય બજારમાં ભાવ વધી રહ્યા છે, જેનો પ્રભાવ મ્યાનમાર જેવા આયાત આધારિત દેશો પર વધુ પડે છે. જો આ પરિસ્થિતિ યથાવત રહે, તો મ્યાનમારમાં ઇંધણના ભાવમાં વધુ વધારો થવાની શક્યતા છે.
આ પણ વાંચો: UPમાં બે દિવસ વર્ક ફ્રોમ હોમ મંજૂર : યોગીની બેઠક પછી લીલી ઝંડી, કંપનીઓ માટે નવી ગાઈડલાઈન જાહેર
પાડોશી દેશોમાં ભાવની સ્થિતિ
પાકિસ્તાન
પાકિસ્તાનમાં પેટ્રોલના ભાવમાં 54.9 ટકાનો વધારો થયો છે, જ્યારે ડીઝલમાં 44.9 ટકા મોંઘુ થયું છે. પાકિસ્તાનમાં પેટ્રોલની કિંમત હાલમાં આશરે રૂ. 409.78 પ્રતિ લિટર (પાકિસ્તાની રૂપિયા) છે.
મ્યાનમાર
મ્યાનમારમાં પેટ્રોલના ભાવમાં આશરે 89.7 ટકા અને ડીઝલના ભાવમાં 112.7 ટકાનો વધારો થયો છે. પેટ્રોલની સરેરાશ કિંમત આશરે 4,816 મ્યાનમાર ક્યાત, ડીઝલનો સરેરાશ ભાવ અંદાજિત MMK 5,237.25 પ્રતિ લિટર છે.
ચીન
ચીનમાં પેટ્રોલના ભાવમાં 21.7 ટકા અને ડીઝલના ભાવમાં 23.7 ટકાનો વધારો થયો છે. ચીનમાં પેટ્રોલનો સરેરાશ ભાવ અંદાજિત 9.35 ચીની યુઆન છે. ચીનમાં ડીઝલનો છૂટક ભાવ આશરે 8.40 ચાઈનીઝ યુઆન (CNY) પ્રતિ લિટર છે
નેપાળ
નેપાળમાં પેટ્રોલના ભાવમાં આશરે 38.2 ટકાનો વધારો થયો છે જ્યારે ડીઝલના ભાવમાં 58.5 ટકાનો વધારો થયો છે. નેપાળમાં પેટ્રોલનો ભાવ રૂ. 214.50થી લઈને રૂ. 217 સુધી છે. નેપાળમાં ડીઝલનો વર્તમાન ભાવ અંદાજિત NPR 225 (નેપાળી રૂપિયા) પ્રતિ લિટર છે
શ્રીલંકા
શ્રીલંકામાં પેટ્રોલના ભાવમાં 38.2 ટકા અને ડીઝલના ભાવમાં 41.8 ટકાનો વધારો થયો છે. શ્રીલંકામાં પેટ્રોલ 92 ઓક્ટેન પ્રતિ લિટર છે.
બાંગ્લાદેશ
બાંગ્લાદેશમાં પેટ્રોલના ભાવમાં લગભગ 16.7 ટકા અને ડીઝલના ભાવમાં 15 ટકાનો વધારો થયો છે. બાંગ્લાદેશમાં પેટ્રોલનો ભાવ 135 Tk છે. બાંગ્લાદેશમાં ડીઝલનો ભાવ પ્રતિ લિટર 115 બાંગ્લાદેશી ટકા (BDT) છે.
