વડાપ્રધાન નરેન્દ્ર મોદી આજે આસામની મુલાકાતે હતા. આ દરમિયાન તેમણે પોતાને ભગવાન શિવના ભક્ત ગણાવ્યા. તેમણે કહ્યું કે, કોઈ મારૂ ગમે તેટલું અપમાન કરે, હું બધું ઝેર ગળી જાઉં છું. કોંગ્રેસ પાર્ટી પર કટાક્ષ કરતા તેમણે કહ્યું કે, મારો એકમાત્ર કંટ્રોલ દેશના 140 કરોડ લોકો છે, તેઓ મારા સ્વામી છે. પીએમ મોદીએ કોંગ્રેસ પર ભૂપેન હજારિકાનું અપમાન કરવાનો આરોપ લગાવ્યો. તેમણે કહ્યું કે, ભાજપની 'ડબલ એન્જિન' સરકાર ભૂપેન હજારિકા જેવા આસામના મહાન સપૂતોના સપનાઓને સાકાર કરવા માટે પ્રતિબદ્ધ છે.
'હું શિવનો ભક્ત છું, હું બધું ઝેર ગળી જાઉં છું'
PM મોદીએ કહ્યું, "મારા માટે, જનતા મારા ભગવાન છે. જો મારા ભગવાન પાસે ગયા પછી મારા આત્માનો અવાજ બહાર નહીં આવે, તો તે બીજે ક્યાં બહાર આવશે. તે મારા સ્વામી છે, તે મારા પૂજ્ય છે, તે મારા રિમોટ કંટ્રોલ છે અને બીજું કોઈ મારું રિમોટ કંટ્રોલ નથી. 140 કરોડ દેશવાસીઓ મારા રિમોટ કંટ્રોલ છે." પ્રધાનમંત્રી નરેન્દ્ર મોદીએ આસામના દારંગમાં 6,300 કરોડ રૂપિયાના આરોગ્ય અને માળખાગત પ્રોજેક્ટ્સનો શિલાન્યાસ કર્યો. તેમણે ગુવાહાટી રિંગ રોડ પ્રોજેક્ટનો શિલાન્યાસ પણ કર્યો. આ દરમિયાન તેમણે કહ્યું કે હું ઓપરેશન સિંદૂર પછી પહેલી વાર આસામ આવ્યો છું''.
દરભંગા સભામાં વિવાદસ્પદ નિવેદન આપ્યું હતું
નોંધનીય છે કે તાજેતરમાં જ ઈન્ડિયા એલાયન્સની મતદાર અધિકાર યાત્રા દરમિયાન બિહારના દરભંગામાં એક મંચ પરથી વિરોધ પક્ષોના કેટલાક કાર્યકરોએ PM મોદી અને તેમની માતા સામે દુર્વ્યવહાર શબ્દો બોલ્યા હતો, જેનો વીડિયો સામે આવ્યો હતો. આ કેસમાં, બિહાર ભાજપ દ્વારા FIR દાખલ કરવામાં આવી હતી, જેમાં કહેવામાં આવ્યું હતું કે મતદાર અધિકાર યાત્રાના એક કાર્યક્રમ દરમિયાન ભારતના વડા પ્રધાન નરેન્દ્ર મોદી સાથે સ્ટેજ પરથી દુર્વ્યવહાર કરવામાં આવ્યો હતો. આ કેસમાં દરભંગા જિલ્લા પોલીસે સિંહવાડા પોલીસ સ્ટેશન વિસ્તારના ભવાનીપુર પંચાયત (વોર્ડ નંબર 1) ના ભાપુરા ગામના રહેવાસી અનિશ કુરેશીના પુત્ર મોહમ્મદ રિઝવી ઉર્ફે રાજાની ધરપકડ કરી હતી.
'ભારત વિશ્વમાં સૌથી ઝડપથી વિકસતો દેશ છે'
PM નરેન્દ્ર મોદીએ કહ્યું, "ભારત હાલમાં વિશ્વમાં સૌથી ઝડપથી વિકસતો દેશ છે અને આસામ તેના સૌથી ઝડપથી વિકસતા રાજ્યોમાંનું એક છે. એક સમયે વિકાસ સાથે તાલ મિલાવવા માટે સંઘર્ષ કરી રહેલા આસામે હવે પોતાનું પરિવર્તન કર્યું છે અને 13% ના વિકાસ દર સાથે નોંધપાત્ર પ્રગતિ કરી રહ્યું છે. આ પ્રભાવશાળી સિદ્ધિ તેના લોકોના દૃઢ નિશ્ચય અને સમર્પણનો પુરાવો છે. તે આસામના લોકોના સખત પરિશ્રમ અને ભાજપની ડબલ એન્જિન સરકારના યોગદાન દ્વારા સંચાલિત સહયોગી પ્રયાસોનું પણ પરિણામ છે. આ જ કારણ છે કે હિમંત બિસ્વા શર્મા જી અને તેમની ટીમને આસામના લોકો તરફથી ભારે સમર્થન મળી રહ્યું છે."
