દિલ્હીની તીસ હજારી કોર્ટમાં વકીલો દ્વારા ગુંડાગીરી કરતા હોય તેવો એક મામલો સામે આવ્યો છે. જ્યાં એક પુરુષને અનેક વકીલોએ માર મારતાનો વીડિયો વાયરલ થયો છે. મળતી માહિતી મુજબ, આ ઘટના 12 સપ્ટેમ્બરની છે. જ્યારે 70 વર્ષીય એક મહિલા તેના પુત્ર હર્ષ અને પુત્રી સાથે કોર્ટમાં આવી હતી. આ દરમિયાન કેસની દલીલ કરી રહેલા વકીલ સેમ્યુઅલ મસીહ સાથે ફાઇલ માંગવા માટે ઝઘડો થયો જે પછી મામલો ઉગ્ર બન્યો હતો.
વૃદ્ધે વિનંતી કર્યા પછી પણ!
અન્ય વકીલો પણ વચ્ચે આવ્યા અને હર્ષને માર મારવાનું શરૂ કર્યું, તેનો શર્ટ ફાટી ગયો હતો. આ ઘટનાનો એક વીડિયો સોશિયલ મીડિયા પર પણ વાયરલ થઈ રહ્યો છે. વાયરલ વીડિયોમાં જોઈ શકાય છે કે જ્યારે વૃદ્ધ મહિલા દરમિયાનગીરી કરવા આવે છે, ત્યારે તેની સાથે દુર્વ્યવહાર કરવામાં આવે છે. વકીલો તેને ખેંચીને લઈ જાય છે. હર્ષને ઢોર માર માર્યા હતો. વૃદ્ધ અને તેની પુત્રી ખૂબ વિનંતી કરે છે અને દીકરાને છોડવા માટે વિનંતી કરે છે, છતાં વકીલો હર્ષને છોડતા નથી.
હર્ષ વિરુદ્ધ આરોપો
હર્ષ ભાગી જાય છે અને એક ખૂણામાં આવી જાય છે, પછી વકીલો તેના પર જોરદાર હુમલો કરે છે. આ દરમિયાન તે ઘાયલ થાય છે અને લોહી વહેવા લાગે છે. તીસ હજારી કોર્ટની આ ઘટના ગંભીર પ્રશ્નો ઉભા કરી રહી છે. જોકે, વકીલ સેમ્યુઅલ મસીહે હર્ષ પર ગેરવર્તણૂકનો આરોપ લગાવ્યો છે. મળતી માહિતી મુજબ, એક મહિલા વકીલ દ્વારા હર્ષ વિરુદ્ધ ફરિયાદ પણ દાખલ કરવામાં આવી છે. હાલમાં પોલીસ આ મામલાની તપાસ કરી રહી છે.
