IND vs WI: ભારત અને વેસ્ટ ઈન્ડિઝ વચ્ચેની બીજી અને અંતિમ ટેસ્ટ મેચ 10 ઓક્ટોબરથી નવી દિલ્હીમાં રમાશે. ટીમ ઈન્ડિયાના સ્ટાર ઓલરાઉન્ડર રવિન્દ્ર જાડેજા આ મેચમાં ઇતિહાસ રચવાની તક છે. ભારત અને વેસ્ટ ઈન્ડિઝ વચ્ચેની બીજી ટેસ્ટમાં, તે એક એવો રેકોર્ડ હાંસલ કરી શક્યો જે અત્યાર સુધી ફક્ત ત્રણ વિશ્વ દિગ્ગજોએ હાંસલ કર્યો છે.
2023 થી રવીન્દ્ર જાડેજાનું પર્ફોર્મન્સ
ભારતે અમદાવાદમાં રમાયેલી પહેલી ટેસ્ટમાં વેસ્ટ ઈન્ડિઝને ઇનિંગ્સથી હરાવ્યું હતું. આ જીતનો હીરો સ્ટાર રવિન્દ્ર જાડેજા હતો, જેને બેટિંગ અને બોલિંગ બંનેથી શાનદાર પ્રદર્શન કર્યું હતું. આના કારણે, લેફ્ટ હેન્ડેડ ઓલરાઉન્ડરે હાલમાં જ પોતાની કારકિર્દીની શ્રેષ્ઠ ટેસ્ટ બેટિંગ રેન્કિંગ હાંસલ કરી છે. 2023 થી, જાડેજાએ 43 ની એવરેજથી લગભગ 1,500 રન બનાવ્યા છે અને 26.6 ની એવરેજથી 88 વિકેટ લીધી છે. પર્ફોર્મન્સની દ્રષ્ટિએ, તે હાલમાં કોઈપણ અન્ય ઓલરાઉન્ડર કરતા ઘણા આગળ છે.
રવીન્દ્ર જાડેજાનું કરિયર
બોલિંગ ઓલરાઉન્ડર તરીકે શરૂઆત કરનાર જાડેજા હવે એક શાનદાર ટેસ્ટ બેટ્સમેન તરીકે વિકસ્યો છે. તે સ્પિન અને ફાસ્ટ બોલિંગ બંને સામે રમી શકે છે, જેના કારણે તેને સેના દેશો (સાઉથ આફ્રિકા, ઈંગ્લેન્ડ, ન્યુઝીલેન્ડ અને ઓસ્ટ્રેલિયા) માં સફળતા મળી છે. તેને આજ સુધી 6 સેંચુરી અને 27 હાફ-સેંચુરી ફટકારી છે અને ICC રેન્કિંગમાં નંબર 1 ટેસ્ટ ઓલરાઉન્ડર છે.
જાડેજા ઇતિહાસ રચવાથી માત્ર 10 રન દૂર
જાડેજા 4000 ટેસ્ટ રનના આંકડાની નજીક પહોંચી રહ્યો છે. હાલમાં તેની પાસે 3,990 ટેસ્ટ રન અને 334 વિકેટ છે. જો તે દિલ્હી ટેસ્ટમાં માત્ર 10 રન વધુ બનાવે છે, તો તે 18 મો ભારતીય બેટ્સમેન અને કપિલ દેવ પછી 4000 રન બનાવનાર બીજો ભારતીય ઓલરાઉન્ડર બનશે.
કયા ખેલાડીઓએ 4000+ રન અને 300+ વિકેટો લીધી
ઇતિહાસમાં ફક્ત ત્રણ ખેલાડીઓએ 4000+ ટેસ્ટ રન અને 300+ વિકેટનો ડબલ રેકોર્ડ હાંસલ કર્યો છે. આ યાદીમાં પહેલું નામ ઇંગ્લેન્ડના ઇયાન બોથમનું છે, જેમને ટેસ્ટ ક્રિકેટમાં 5200 ટેસ્ટ રન બનાવ્યા અને 383 વિકેટ લીધી. આ યાદીમાં બીજું નામ ભારતને પ્રથમ વર્લ્ડ કપ જીતાવનાર ભારતીય કેપ્ટન કપિલ દેવનું છે, જેમને ટેસ્ટમાં 5248 રન બનાવ્યા અને 434 વિકેટ લીધી. આ દરમિયાન, ન્યુઝીલેન્ડના ડેનિયલ વેટોરીએ પણ 4531 રન બનાવ્યા અને 362 વિકેટ લીધી. જાડેજાની વાત કરીએ તો, તેને અત્યાર સુધીમાં 3990 રન બનાવ્યા છે અને 334 વિકેટ લીધી છે. જો જાડેજા દિલ્હી ટેસ્ટમાં આ સિદ્ધિ હાંસલ કરે છે, તો તે કપિલ દેવ સાથે જોડાશે અને ટેસ્ટ ઇતિહાસના મહાન ઓલરાઉન્ડરોમાં તેની ગણતરી થશે. આ સિદ્ધિ એવા સમયે આવશે.
