IND A vs AUS A Score: ભારત વિરુદ્ધ વેસ્ટ ઈન્ડિઝ ટેસ્ટ શ્રેણી નજીક આવી રહી છે, જેના માટે આજે ભારતીય ટીમની જાહેરાત થવાની છે. હાલમાં, ઓસ્ટ્રેલિયા A ટીમ ભારતના પ્રવાસે છે. બંને ટીમો વચ્ચે બીજી બિનસત્તાવાર ટેસ્ટ લખનૌમાં રમાઈ રહી છે, જ્યાં ઓસ્ટ્રેલિયાએ પ્રથમ બેટિંગ કરતા 420 રન બનાવ્યા હતા. જવાબમાં, ધ્રુવ જુરેલના નેતૃત્વમાં ભારત A ટીમ ફક્ત 194 રનમાં જ ઓલઆઉટ થઈ ગઈ.
ટીમ ઈન્ડિયાની કંગાળ શરૂઆત
લખનૌના એકાના સ્ટેડિયમ ખાતે રમાયેલી બીજી બિનસત્તાવાર ટેસ્ટમાં, ઓસ્ટ્રેલિયા A એ મજબૂત બેટિંગ પ્રદર્શન કર્યું, જેમાં 420 રન બનાવ્યા. હેનરી થોર્ટનની ઘાતક બોલિંગે ભારતીય બેટિંગ લાઇન-અપને ચકનાચૂર કરી દીધું, કુલ ચાર વિકેટ લીધી. ભારતીય ટીમ શરૂઆતથી જ સંઘર્ષ કરી રહી હતી, જેમાં કેએલ રાહુલ ફક્ત 11 રન બનાવીને આઉટ થયો હતો. વિકેટકીપર-બેટ્સમેન એન. જગદીસનને વેસ્ટ ઇન્ડીઝ સામેની ટેસ્ટ સીરિઝ માટે ભારતીય ટીમમાં પસંદ કરવામાં આવ્યા હોવાના અહેવાલ છે. જગદીસને 38 રનનું યોગદાન આપ્યું હતું.
ટીમ ઇન્ડિયાની ચિંતા
ટીમ ઇન્ડિયા માટે સાઈ સુદર્શન સૌથી વધુ 75 રન બનાવ્યા હતા. દેવદત્ત પડિકલ, કેપ્ટન ધ્રુવ જુરેલ અને નીતિશ કુમાર રેડ્ડી પણ માત્ર એક-એક રન બનાવીને આઉટ થયા. આયુષ બદોની 21 રન બનાવીને રિટાયર્ડ હર્ટ થયો અને પ્રસિદ્ધ કૃષ્ણ 16 રન બનાવીને રિટાયર્ડ થયો. ભારત 194 રનમાં ઓલઆઉટ થઈ ગયું, જેના કારણે ઓસ્ટ્રેલિયાને પ્રથમ ઇનિંગમાં 226 રનની મોટી લીડ મળી. પ્રથમ ઇનિંગમાં ફક્ત એક વિકેટ લેનાર મોહમ્મદ સિરાજ પણ આ મેચમાં રમી રહ્યો છે. પ્રસિદ્ધ કૃષ્ણ પણ ફક્ત એક વિકેટ મેળવી શક્યો. નોંધનીય છે કે, વેસ્ટ ઇન્ડીઝ ટેસ્ટ સીરિઝ માટે થોડાક દિવસમાં ભારતીય ટીમની જાહેરાત થવાની છે. તે પહેલાં, નીતિશ કુમાર રેડ્ડી, મોહમ્મદ સિરાજ અને નીતિશ કુમાર રેડ્ડીનું પ્રદર્શન ઘટવું ટીમ ઇન્ડિયા માટે ચિંતાનું કારણ બની શકે છે.
