ICC રેન્કિંગમાં આ સિદ્ધિ મેળવનાર ફક્ત ત્રીજો ભારતીય Abhishek Sharma! : T20 રેન્કિંગમાં સૌથી વધુ રેટિંગ પોઈન્ટ કોના નામે?

Abhishek Sharma T20 Ranking: અભિષેક શર્મા પહેલાથી જ વિશ્વનો નંબર 1 T20 બેટ્સમેન છે. હવે, તેની ટૂંકી કારકિર્દીમાં, તેણે વધુ એક ઐતિહાસિક રેકોર્ડ બનાવ્યો છે. પ્રથમ વખત, અભિષેકે રેન્કિંગમાં 907 રેટિંગ પોઈન્ટ હાંસલ કર્યા છે. હવે, અભિષેકના રેટિંગ પોઈન્ટ 907 છે, જે બીજા સ્થાને રહેલા ફિલ સોલ્ટ કરતા 63 પોઈન્ટ વધુ છે. આ વિસ્ફોટક ભારતીય ઓપનિંગ બેટ્સમેને હાલમાં પાકિસ્તાન સામે 74 રનની ધમાકેદાર ઇનિંગ રમી હતી. અભિષેક શર્માએ પાકિસ્તાન સામેની સુપર 4 મેચમાં 39 બોલમાં 74 રનની ધમાકેદાર ઇનિંગ રમી હતી. તે ઇનિંગથી તેને રેન્કિંગમાં નોંધપાત્ર વધારો થયો છે.

T20 રેન્કિંગમાં સૌથી વધુ રેટિંગ પોઈન્ટT20 આંતરરાષ્ટ્રીય મેચોમાં સૌથી વધુ રેટિંગ પોઈન્ટનો રેકોર્ડ ઇંગ્લેન્ડના ડેવિડ મલાનના નામે છે, આ યાદીમાં સૂર્યકુમાર યાદવ અને વિરાટ કોહલી પણ અભિષેક શર્માથી આગળ છે.

ડેવિડ મલાન - 919

સૂર્યકુમાર યાદવ - 912

વિરાટ કોહલી - 909

અભિષેક શર્મા - 907

એરોન ફિન્ચ - 904

તિલક વર્મા અને સૂર્યકુમાર યાદવને ફાયદોભારતના તિલક વર્મા અને સૂર્યકુમાર યાદવે પણ નવી ICC T20 રેન્કિંગમાં સુધારો થયો છે. તિલક વર્મા એક સ્થાન આગળ વધીને T20I માં નંબર-3 બેટ્સમેન બન્યો છે. દરમિયાન, કેપ્ટન સૂર્યકુમાર યાદવ એક સ્થાન આગળ વધીને છઠ્ઠા સ્થાને પહોંચી ગયા છે. અભિષેક, તિલક અને સૂર્યકુમાર ટોપ-10 માં ત્રણ બેટ્સમેન છે.

ભારતીય બોલરોનું વર્ચસ્વભારતના કુલદીપ યાદવને T20 બોલર રેન્કિંગમાં બે સ્થાનનો ફાયદો મેળવીને 21 મા ક્રમે પહોંચી ગયો છે. જોકે, સૌથી મોટો વધારો અબરાર અહેમદે મેળવ્યો છે, જે 12 સ્થાનના ફાયદા સાથે ચોથા ક્રમનો T20 બોલર બન્યો. વરુણ ચક્રવર્તી વિશ્વના નંબર વન T20 બોલર તરીકે યથાવત છે.