Hyundai Motor India એ તેના સમગ્ર મોડેલ લાઇનઅપ પર મોટા ભાવ ઘટાડાની જાહેરાત કરી છે. કંપનીનો આ નિર્ણય 22 સપ્ટેમ્બર, 2025 થી અમલમાં આવશે, જ્યારે નવા GST 2.0 ટેક્સ માળખાના લાભો સીધા ગ્રાહકોને આપવામાં આવશે. Hyundai નો દાવો છે કે વિવિધ મોડેલો અને વેરિઅન્ટ્સ પર કિંમતોમાં 2.4 લાખ રૂપિયા સુધીનો ઘટાડો કરવામાં આવશે. આ ફેરફારથી નવા ખરીદદારો માટે કાર ખરીદવાનું સરળ બનશે જ, પરંતુ આગામી તહેવારોની સિઝનમાં વેચાણમાં પણ વધારો થશે. એવામાં Hyundaiની સૌથી લોકપ્રિય ફએમેલી કાર Grand i10 Nios માં પણ મોટી બચત થશે. તો ચાલો આના વિશે જાણીએ...
Hyundai ગ્રાઈન્ડ i10 Nios ની કિંમત
જે લોકો ઓછા બજેટમાં નવી કાર ખરીદવાનું વિચારી રહ્યા છે, તેમના માટે હવે Hyundai Grand i10 Nios ખરીદવી સરળ બનશે. આ મોડેલની કિંમતોમાં 71,480 રૂપિયા સુધીનો ઘટાડો થયો છે.
Era વેરિઅન્ટની કિંમત હવે 5,98,300 રૂપિયાથી ઘટીને 5,47,278 રૂપિયા થઈ ગઈ છે, જ્યારે Magna વેરિઅન્ટની કિંમત હવે 6,25,853 રૂપિયા થઈ ગઈ છે. સૌથી મોટો ફાયદો Sportz Dual CNG ટ્રીમમાં મળ્યો છે, જેની કિંમત 8,38,200 રૂપિયાથી ઘટીને 7,66,720 રૂપિયા થઈ ગઈ છે.
તહેવારોની સિઝનમાં વેચાણમાં વધારો થશે
કંપની માને છે કે આ મોટા ભાવ ઘટાડાથી ગ્રાહકોમાં રસ વધશે, ખાસ કરીને જેઓ પહેલી વાર કાર ખરીદી રહ્યા છે. લોકો તહેવારોની સિઝનમાં નવી કાર ખરીદવાની યોજના ધરાવે છે અને હવે જ્યારે કિંમતો હજારો રૂપિયાથી ઘટીને લાખો રૂપિયા થઈ ગઈ છે, તો તે માંગને વધુ વેગ આપશે.
