Australia Student Visa Rules: વિશ્વભરના વિદ્યાર્થીઓ ઉચ્ચ અભ્યાસ માટે વિદેશ જાય છે અને હવે આ સંખ્યા સતત વધી રહી છે. જો આપણે ભારતની વાત કરીએ તો, દર વર્ષે ભારતમાંથી પણ હજારો વિદ્યાર્થીઓ ભણવા માટે ઓસ્ટ્રેલિયા જાય છે. પરંતુ હવે ઓસ્ટ્રેલિયા સરકારે આંતરરાષ્ટ્રીય વિદ્યાર્થીઓને લઈને એક મોટો નિર્ણય લીધો છે.
ઓસ્ટ્રેલિયા સરકારે લીધો કડક નિર્ણય
વાસ્તવમાં, ઓસ્ટ્રેલિયા સરકારે આગામી 12 મહિના માટે નવી પ્રાઇવેટ કોલેજો અને ટ્રેનિંગ સંસ્થાઓના રજીસ્ટ્રેશન પર રોક લગાવવાનો નિર્ણય કર્યો છે. જેનો અર્થ એ છે કે હવે કોઈ નવી પ્રાઇવેટ સંસ્થા વિદેશી વિદ્યાર્થીઓને ભણાવવાની મંજૂરી સરળતાથી મેળવી શકશે નહીં. બીજી તરફ, આ મામલે સરકારનું નિવેદન પણ સામે આવ્યું છે. તેમનું કહેવું છે કે આ પગલાનો હેતુ સ્ટુડન્ટ વિઝા સિસ્ટમને વધુ મજબૂત અને ભરોસાપાત્ર બનાવવાનો છે.
કોઠ પોલીસ સ્ટેશન વિસ્તારમાં હિટ એન્ડ રનની ગમખ્વાર ઘટના : બાઈક ચાલક યુવકનું ઘટનાસ્થળે જ કરુણ મોત
ઓસ્ટ્રેલિયા સરકારે કેમ લીધો આ નિર્ણય?
ઓસ્ટ્રેલિયા સરકારના જણાવ્યા અનુસાર, છેલ્લા કેટલાક સમયથી એવી પ્રાઇવેટ સંસ્થાઓની સંખ્યા સતત વધી રહી હતી જે માત્ર પૈસા કમાવવા માટે જ ખોલવામાં આવી હતી. સાથે જ આ સંસ્થાઓમાં શિક્ષણની ગુણવત્તા (ક્વોલિટી) અંગે પણ અનેક સવાલો ઉઠી રહ્યા હતા. તાજેતરમાં આવેલા 'નિક્સન રિવ્યુ' (Nixon Review) રિપોર્ટમાં સ્ટુડન્ટ વિઝા સિસ્ટમ અને ઇન્ટરનેશનલ સેક્ટરમાં ઘણી ખામીઓ સામે આવી હતી.
અનેક પ્રાઇવેટ કોલેજો પર લાગી રોક
રિપોર્ટમાં કહેવામાં આવ્યું છે કે કેટલીક જગ્યાઓ પર નિયમોનું યોગ્ય રીતે પાલન થઈ રહ્યું ન હતું. આ રિપોર્ટ બાદ જ સરકારે નિર્ણય લીધો છે કે નવી પ્રાઇવેટ કોલેજોની મંજૂરી પર હાલ પૂરતી રોક લગાવવામાં આવે, જેથી સિસ્ટમની યોગ્ય રીતે તપાસ થઈ શકે અને નબળી સંસ્થાઓને અટકાવી શકાય.
કઈ સંસ્થાઓ પર પડશે સરકારના નિર્ણયની અસર?
સરકારે સ્પષ્ટ કર્યું છે કે આ પ્રતિબંધ માત્ર નવી પ્રાઇવેટ કોલેજો અને ઇંગ્લિશ લેંગ્વેજ ટ્રેનિંગ આપતી સંસ્થાઓ પર જ લાગુ થશે. જે સંસ્થાઓ પહેલેથી જ સરકારની મંજૂરી લઈને કામ કરી રહી છે, તેઓ પોતાનું શિક્ષણ કાર્ય ચાલુ રાખશે. સાથે જ તેઓ નવા કેમ્પસ પણ ખોલી શકે છે અથવા પોતાના કોર્સમાં ફેરફાર પણ કરી શકે છે. બીજી તરફ, સરકારી શાળાઓ, TAFE સંસ્થાઓ અને પબ્લિક યુનિવર્સિટીઓ આ નિર્ણયથી પ્રભાવિત થશે નહીં. ઓસ્ટ્રેલિયાના અધિકારીઓનું કહેવું છે કે તેમનો હેતુ સારી અને ભરોસાપાત્ર સંસ્થાઓને પ્રોત્સાહન આપવાનો છે જેથી વિદ્યાર્થીઓને સાચું શિક્ષણ અને વધુ સારું વાતાવરણ મળી શકે.
અમદાવાદમાં ગ્રાહક બનીને આવ્યો અને સોનાનું કડુ લઈ ચોર ફરાર : જુઓ CCTV ફૂટેજ કેવી રીતે કર્યો હાથ ફેરો
શિક્ષણની ક્વોલિટી સુધારવાનો છે હેતુ
ઓસ્ટ્રેલિયાના આસિસ્ટન્ટ સિટિઝનશિપ મિનિસ્ટર જુલિયન હિલ (Julian Hill) એ જણાવ્યું કે, ઓસ્ટ્રેલિયા આજે પણ સાચા અને ભણવા ઈચ્છતા આંતરરાષ્ટ્રીય વિદ્યાર્થીઓનું સ્વાગત કરે છે, પરંતુ સિસ્ટમ પર લોકોનો ભરોસો જાળવી રાખવા માટે કડક નિયમો જરૂરી છે. તેમણે ઉમેર્યું કે છેલ્લા કેટલાક સમયમાં ઘણી નવી પ્રાઇવેટ સંસ્થાઓ ઝડપથી માર્કેટમાં આવી રહી હતી, જ્યારે કેટલાક સેક્ટરમાં વિદ્યાર્થીઓની સંખ્યા ધીમી પડી રહી હતી. સરકારને ડર હતો કે વધુ પડતી સંસ્થાઓ ખુલવાને કારણે ક્યાંક શિક્ષણની ગુણવત્તા પર અસર ન પડે.
ભારતીય વિદ્યાર્થીઓ પર શું થશે અસર?
ઓસ્ટ્રેલિયા સરકારે એ પણ સ્પષ્ટ કર્યું છે કે જેઓ ખરેખર ભણવા માંગે છે તેવા વિદ્યાર્થીઓ માટે દેશના દરવાજા બંધ કરવામાં નથી આવી રહ્યા. સરકારનું કહેવું છે કે આ પગલું માત્ર નબળી અને નકલી (ફરજી) સંસ્થાઓને રોકવાના હેતુથી લેવામાં આવ્યું છે. જે વિદ્યાર્થીઓ સાચી રીતે અભ્યાસ કરવા માટે ઓસ્ટ્રેલિયા જવા માંગે છે અથવા જઈ રહ્યા છે, તેમણે ચિંતા કરવાની જરૂર નથી. જોકે, હવે વિદ્યાર્થીઓએ કોલેજ પસંદ કરતી વખતે વધુ સાવધાની રાખવી પડશે.
અમદાવાદમાં NRI પરિવારના ઘરમાંથી ₹21 લાખના દાગીના ગાયબ : ઘરકામ કરતી મહિલા શંકાના ઘેરામાં
