દેશભરમાં તોફાની વરસાદ, કરા અને વાવાઝોડાની ભયંકર ચેતવણી! : આ રાજયોમાં સૌથી વધુ ખતરો! જાણો કયાં કેવી અસર?

IMD Latest Weather Update: દેશના ઉત્તર અને ઉત્તર-પશ્ચિમ ભાગોમાં હવામાન અચાનક બદલાઈ રહ્યું છે. હવામાન વિભાગ (IMD)ના અનુસાર, પશ્ચિમી વિક્ષેપ અને ઉપલા હવામાના ચક્રવાતી પરિભ્રમણના પ્રભાવને કારણે જમ્મુ-કાશ્મીર, લદ્દાખ, દિલ્હી, ઉત્તર પ્રદેશ, પંજાબ, હરિયાણા અને રાજસ્થાનમાં ભારે વરસાદ, તોફાન, 50-60 કિમી/કલાકની ઝડપે પવન અને કરા પડવાની ચેતવણી જારી કરવામાં આવી છે. આનાથી પાકને નુકસાન થવાની શક્યતા વધી ગઈ છે અને જનજીવન પણ અસ્તવ્યસ્ત થઈ શકે છે.

રાજસ્થાનમાં ખેતરો સફેદ થઈ ગયા

રાજસ્થાનના અનેક જિલ્લાઓમાં કરાના કારણે ખેતરો પર સફેદ ધાબળો છવાઈ ગયો છે. બિકાનેર, જયપુર, અજમેર, ભરતપુર, કોટા અને ઉદયપુરમાં વાવાઝોડા સાથે 40-50 કિમી/કલાકની ઝડપે પવન ફૂંકાયો હતો. ઘણા વિસ્તારોમાં હળવો-મધ્યમ વરસાદ અને છૂટાછવાયા કરા પડ્યા છે. હવામાન વિભાગે જણાવ્યું છે કે 6 એપ્રિલથી જોધપુર અને બિકાનેરમાં નવો શક્તિશાળી પશ્ચિમી વિક્ષેપ સક્રિય થશે, જેના કારણે 50-60 કિમી/કલાકના પવન, ભારે વરસાદ અને કરા પડવાની સંભાવના છે.

જમ્મુ-કાશ્મીર અને લદ્દાખમાં ઓરેન્જ એલર્ટ

જમ્મુ-કાશ્મીર અને લદ્દાખમાં 64.5 થી 115.5 મીમી સુધી ભારે વરસાદની આગાહી છે. પર્વતીય વિસ્તારોમાં ભૂસ્ખલનનું જોખમ પણ વધી ગયું છે. અનેક જગ્યાએ વાદળછાયું વાતાવરણ અને વરસાદ ચાલુ છે. દક્ષિણ ભારત પણ અસરમાંઉત્તર ભારતની સાથે કેરળ અને માહેમાં પણ 64.5 થી 115.5 મીમી સુધી ભારે વરસાદ અને વાવાઝોડાની આગાહી છે. આનાથી સ્થાનિક પાણી ભરાવ અને ટ્રાફિકમાં અવરોધની શક્યતા છે.

આ પણ વાંચો: ઉત્તર ભારતમાં 5.9 ની તીવ્રતાનો ભૂકંપ : અનેક રાજ્યોમાં અનુભવાયો આંચકો, લોકો ઘરોમાંથી બહાર દોડ્યા

છેલ્લા 24 કલાકમાં નોંધાયેલ વરસાદ

જમ્મુ-કાશ્મીરમાં કેટલાક વિસ્તારોમાં 50 મીમી સુધી વરસાદ.

હરિયાણા, પંજાબ, રાજસ્થાન અને કર્ણાટકના કેટલાક ભાગોમાં સારો વરસાદ.

ઉત્તર-પૂર્વીય રાજ્યો, કેરળ અને માહેમાં હળવો-મધ્યમ વરસાદ.

ગુજરાતમાં અસર

જોકે ગુજરાતના વાતાવરણમાં બે- ત્રણ દિવસથી ફેરફાર જોવા મળ્યો છે અને કેટલીક જગ્યાએ વરસાદ પણ વરસ્યો છે પરંતુ હાલ હવામાન વિભાગે કોઈ ભારે અસર કે જોખમની આગાહી કરી નથી. એટલે ગુજરાતને કોઈ મોટી અસર થવાની શક્યતા નથી.

આગામી દિવસોમાં સાવધાનીની સલાહ

હવામાન વિભાગે આગામી કેટલાક દિવસો સુધી અસ્થિર હવામાન રહેવાની આગાહી કરી છે. ખેડૂતો અને લોકોને સાવધાન રહેવા અપીલ કરવામાં આવી છે.

વાવાઝોડા અને વીજળી વખતે ખુલ્લી જગ્યાઓ અને ઝાડ નીચે ઊભા રહેવાનું ટાળો.

કરા પડતાં છત પરની વસ્તુઓ સુરક્ષિત કરો અને વાહનો છત નીચે પાર્ક કરો.

ઇલેક્ટ્રોનિક ઉપકરણોનો ઉપયોગ મર્યાદિત રાખો.

તાપમાનમાં 3 થી 5 ડિગ્રી સેલ્સિયસનો ઘટાડો થવાની ધારણા છે, જેથી ઉત્તર-પશ્ચિમ ભારતમાં હવામાન ઠંડું રહેશે. જો કે, પછીથી તાપમાનમાં થોડો વધારો થઈ શકે છે.

આ હવામાન પરિસ્થિતિમાં ખેડૂતોએ પાકનું વધુ ધ્યાન રાખવું જરૂરી છે. સતત અપડેટ માટે હવામાન વિભાગની અધિકૃત વેબસાઈટ અથવા એપ્લિકેશન જુઓ.