દેશમાં સુરક્ષિત રોકાણ અને ગેરેન્ટેડ રિટર્ન શોધતા લોકો માટે પોસ્ટ ઓફિસની બચત યોજનાઓ સતત આકર્ષણનું કેન્દ્ર બની રહી છે. ખાસ કરીને એવા રોકાણકારો, જેઓ જોખમ વગર સ્થિર આવક ઇચ્છે છે, તેઓ પોસ્ટ ઓફિસ સ્કીમોને પ્રથમ પસંદગી આપી રહ્યા છે. પોસ્ટ ઓફિસની આવી જ એક લોકપ્રિય યોજના છે – પોસ્ટ ઓફિસ ટાઈમ ડિપોઝીટ સ્કીમ. આ સ્કીમમાં રોકાણકારોને માત્ર સુરક્ષા જ નહીં, પરંતુ ઘણી સરકારી બેંકોની ફિક્સ્ડ ડિપોઝિટ (FD) કરતાં પણ વધારે વ્યાજ મળે છે.
પોસ્ટ ઓફિસની તમામ સ્મોલ સેવિંગ્સ યોજનાઓ પર સરકારની ગેરેન્ટી હોય છે. એટલે રોકાણકારોના પૈસા સંપૂર્ણપણે સુરક્ષિત માનવામાં આવે છે. આ કારણસર લાખો લોકો લાંબા ગાળાના બચત વિકલ્પ તરીકે પોસ્ટ ઓફિસ યોજનાઓ તરફ વળી રહ્યા છે.
5 વર્ષની ટાઈમ ડિપોઝીટ પર સૌથી વધારે વ્યાજ
પોસ્ટ ઓફિસ ટાઈમ ડિપોઝીટ સ્કીમમાં વિવિધ સમયગાળાઓ માટે જુદા જુદા વ્યાજ દર નક્કી કરવામાં આવ્યા છે. હાલમાં 1 વર્ષ માટે 6.9 ટકા, 2 વર્ષ માટે 7 ટકા, 3 વર્ષ માટે 7 ટકા અને 5 વર્ષ માટે સૌથી વધારે 7.5 ટકા વાર્ષિક વ્યાજ આપવામાં આવે છે.
ખાસ વાત એ છે કે 5 વર્ષની ટાઈમ ડિપોઝીટ પર મળતું 7.5 ટકા વ્યાજ ઘણી સરકારી બેંકોની FD યોજનાઓ કરતાં વધારે માનવામાં આવે છે. આ કારણે લાંબા ગાળાના સુરક્ષિત રોકાણ માટે આ યોજના રોકાણકારોમાં ઝડપથી લોકપ્રિય બની રહી છે.
આ સ્કીમમાં વ્યાજની ગણતરી વાર્ષિક ધોરણે કરવામાં આવે છે, જેના કારણે લાંબા સમયગાળામાં કમ્પાઉન્ડિંગનો લાભ પણ મળે છે. રોકાણકારોને નિશ્ચિત સમય બાદ એકમુષ્ટ સારો રિટર્ન મળે છે.
માત્ર 2 લાખના રોકાણથી મળશે લગભગ 2.90 લાખ રૂપિયા
પોસ્ટ ઓફિસ ટાઈમ ડિપોઝીટ સ્કીમની સૌથી મોટી વિશેષતા એ છે કે નાની રકમથી પણ મોટી કમાણી કરી શકાય છે. જો કોઈ રોકાણકાર 5 વર્ષ માટે 2 લાખ રૂપિયા જમા કરે, તો 7.5 ટકા વ્યાજ દરના આધારે મેચ્યોરિટી પર અંદાજે 2,89,990 રૂપિયા પ્રાપ્ત થાય છે.
એટલે કે માત્ર વ્યાજથી જ આશરે 89,990 રૂપિયાની કમાણી થાય છે. જોખમ વિના ગેરેન્ટેડ રિટર્ન ઇચ્છતા લોકો માટે આ એક આકર્ષક વિકલ્પ બની શકે છે.
આ સ્કીમમાં રોકાણની શરૂઆત માત્ર 1,000 રૂપિયાથી કરી શકાય છે અને તેમાં રોકાણની કોઈ મહત્તમ મર્યાદા નથી. એટલે રોકાણકાર પોતાની જરૂરિયાત અને ક્ષમતા મુજબ જેટલું ઇચ્છે તેટલું રોકાણ કરી શકે છે.
આ પણ વાંચો: 8મા પગાર પંચની ચર્ચા વચ્ચે કેન્દ્ર સરકારનો ઐતિહાસિક નિર્ણય : આ કર્મચારીઓને મળશે જૂની પેન્શન યોજનાનો બમ્પર લાભ!
બાળકોના નામે પણ ખોલી શકાય છે ખાતું
પોસ્ટ ઓફિસ ટાઈમ ડિપોઝીટ સ્કીમમાં 10 વર્ષથી વધુ ઉંમરના બાળકોના નામે પણ ખાતું ખોલી શકાય છે. માતા-પિતા પોતાના બાળકોના ભવિષ્ય માટે લાંબા ગાળાનું સુરક્ષિત રોકાણ કરવા આ વિકલ્પ પસંદ કરી શકે છે.
આ યોજના હેઠળ સિંગલ અને જોઈન્ટ બંને પ્રકારના ખાતા ખોલવાની સુવિધા ઉપલબ્ધ છે. પરિવારમાં એકથી વધુ લોકો મળીને પણ રોકાણ કરી શકે છે.
ટેક્સ બચતનો પણ મળશે ફાયદો
પોસ્ટ ઓફિસ ટાઈમ ડિપોઝીટ સ્કીમમાં રોકાણકારોને ટેક્સ બચતનો પણ લાભ મળે છે. 5 વર્ષની ટાઈમ ડિપોઝીટ પર આવકવેરા અધિનિયમની કલમ 80C હેઠળ ટેક્સ છૂટનો લાભ મળી શકે છે. એટલે કે રોકાણકારો સુરક્ષિત બચત સાથે ટેક્સ પ્લાનિંગ પણ કરી શકે છે.
જો કે, આ સ્કીમમાં સમય પહેલાં ઉપાડને લઈને કેટલાક નિયમો લાગુ પડે છે. ખાતું ખોલ્યા બાદ 6 મહિના પહેલાં પૈસા ઉપાડવાની મંજૂરી નથી. તેમજ મેચ્યોરિટી પહેલાં રકમ ઉપાડવામાં આવે તો 1 ટકા સુધીનો દંડ પણ લાગી શકે છે.
આ પણ વાંચો: તેલ સંકટ વચ્ચે સરકારનો માસ્ટરસ્ટ્રોક : હવે પેટ્રોલમાં ભળશે 30% ઇથેનોલ, જાણો તમારી ગાડીના એન્જિન અને માઇલેજ પર શું થશે અસર
નાણાકીય નિષ્ણાતોનું માનવું છે કે હાલના સમયમાં સ્થિર અને જોખમમુક્ત રિટર્ન ઇચ્છતા રોકાણકારો માટે પોસ્ટ ઓફિસ ટાઈમ ડિપોઝીટ સ્કીમ એક વિશ્વસનીય વિકલ્પ બની શકે છે. ખાસ કરીને વરિષ્ઠ નાગરિકો અને લાંબા ગાળાની બચત ઇચ્છતા લોકો માટે આ યોજના વધુ ફાયદાકારક માનવામાં આવે છે.
