ઓપરેશન સિંદૂર પછી ભારત અને પાકિસ્તાન યુદ્ધની અણી પર હતા. યુએસ રાષ્ટ્રપતિએ વારંવાર કહ્યું છે કે તેમણે બંને દેશો વચ્ચે યુદ્ધ અટકાવ્યું છે. પાકિસ્તાને આ વાત સ્વીકારી, પરંતુ ભારતે ઇનકાર કર્યો. આ પછી યુએસ અને પાકિસ્તાન નજીક આવ્યા, પરંતુ ભારત-અમેરિકાના સંબંધો તંગ બન્યા. હવે પાકિસ્તાને અમેરિકાને ચાબહાર નજીક એક બંદર ઓફર કર્યું છે, જે ભારત દ્વારા બનાવવામાં આવી રહ્યું છે.
અસીમ મુનીરના સલાહકારોએ આ ઓફર કરી
એક અહેવાલ અનુસાર, પાકિસ્તાની આર્મી ચીફ ફિલ્ડ માર્શલ અસીમ મુનીરના સલાહકારોએ અરબી સમુદ્ર પર બંદર બનાવવા અને ચલાવવા માટે યુએસ અધિકારીઓનો સંપર્ક કર્યો છે. આ યોજનામાં અફઘાનિસ્તાન અને ઈરાનની સરહદે આવેલા બલુચિસ્તાનના ગ્વાદર જિલ્લામાં પાસની બંદર શહેર ખાતે ટર્મિનલ બનાવવા અને ચલાવવા માટે યુએસ રોકાણકારોને બોલાવવામાં આવ્યા છે.
1.2 બિલિયન ડોલર સુધીની ઓફર
રિપોર્ટમાં જણાવાયું છે કે, પાકિસ્તાની આર્મી ચીફ ફિલ્ડ માર્શલ અસીમ મુનીરના સલાહકારોએ આ બાબતે ટોચના યુએસ અધિકારીઓનો સંપર્ક કર્યો છે અને 1.2 બિલિયન ડોલર સુધીની ઓફર કરી છે. અહેવાલો અનુસાર, પાકિસ્તાનના મહત્વપૂર્ણ ખનિજો સુધી પહોંચવા માટે અમેરિકા પાસની બંદર પર એક ટર્મિનલ બનાવશે અને તેનું સંચાલન કરશે.પાકિસ્તાનમાં ગ્વાદર બંદર પણ છે, જેનું સંચાલન ચીન દ્વારા કરવામાં આવે છે. ગ્વાદરથી માત્ર 100 કિલોમીટર દૂર સ્થિત છે, જ્યારે તે ભારત દ્વારા બનાવવામાં આવી રહેલા ચાબહાર બંદરથી 300 કિલોમીટર દૂર છે. અમેરિકા દ્વારા બંદરના નિર્માણ પછી પાકિસ્તાન ભૂ-રાજકીય પરિસ્થિતિને કેવી રીતે સંભાળે છે તે જોવું રસપ્રદ રહેશે.
