Bihar Election Result : બિહારમાં નવી સરકારની રચના માટેની તૈયારીઓ તેજ થઈ ગઈ છે. કેબિનેટ બેઠક બાદ નીતિશ કુમાર રાજભવનમાં રાજ્યપાલને મળ્યા અને 19 નવેમ્બરે વિધાનસભા ભંગ કરવાની ભલામણ કરી છે. ભંગ બાદ નીતિશ કુમાર મુખ્યમંત્રી પદેથી રાજીનામું આપશે. કેબિનેટ બેઠકમાં નીતિશ કુમારને રાજ્યપાલને મળવા અને વર્તમાન વિધાનસભા ભંગ કરવાનો પ્રસ્તાવ મૂકવાનો ઠરાવ પસાર કરવામાં આવ્યો. એક દિવસ પહેલા મુખ્ય ચૂંટણી અધિકારી વિનોદ સિંહ ગુંજ્યાલે રાજ્યપાલ આરિફ મોહમ્મદ ખાનને મળ્યા અને તાજેતરની વિધાનસભા ચૂંટણીમાં ચૂંટાયેલા સભ્યોની યાદી રજૂ કરી. શુક્રવારે ચૂંટણી પરિણામો જાહેર કરવામાં આવ્યા. રાઘોપુરના આરજેડી ધારાસભ્ય તેજસ્વી યાદવ બિહાર વિધાનસભામાં વિરોધ પક્ષના નેતા તરીકે ચૂંટાયા છે.
તેજસ્વી યાદવ RJD વિધાનસભા પક્ષના નેતા બન્યા
તેજશ્વી યાદવને આરજેડી વિધાનસભા પક્ષના નેતા તરીકે ચૂંટવામાં આવ્યા. નવા ચૂંટાયેલા તમામ ધારાસભ્યોએ તેજસ્વી યાદવને વિધાનસભા પક્ષના નેતા તરીકે ચૂંટ્યા. આરજેડીની બેઠકમાં હારના કારણોની પણ સમીક્ષા કરવામાં આવી. લાલુ યાદવ અને રાબડી દેવી આરજેડી બેઠક પૂરી થાય તે પહેલાં જ ત્યાંથી ચાલ્યા ગયા હતા.
NDA નો દબદબો
NDAએ 243 બેઠકોવાળી વિધાનસભામાં 202 બેઠકો જીતીને જંગી વિજય મેળવ્યો. ભાજપે 89 બેઠકો મેળવી, ત્યારબાદ JDUએ 85 બેઠકો મેળવી. કેન્દ્રીય મંત્રી ચિરાગ પાસવાનના LJP (RV) એ 19 બેઠકો મેળવી, જ્યારે નાના સાથી પક્ષો HAM અને RLM એ મળીને નવ બેઠકો જીતી.
