કેરળના અલુવામાં રવિવારે એક દુર્ભાગ્યપૂર્ણ ઘટના બની જેમાં પોપટ પકડવાના પ્રયાસ દરમિયાન 12 વર્ષીય મોહમ્મદ સિનાનનું મોત થયું. સિનાન અલુવાના રહેવાસી સુધીર અને સબિયાનો પુત્ર હતો.
પોલીસના જણાવ્યા મુજબ, બપોરે સિનાન પોતાના ઘર નજીક અન્ય ચાર મિત્રો સાથે રમતો હતો. રમતમાં બાળકોને સૂકા નારિયેળના ઝાડ પર પોપટ બેઠેલો દેખાયો. તેને પકડવા માટે તેઓએ ઝાડ કાપવાનો પ્રયાસ કર્યો, પરંતુ ઝાડ અચાનક સિનાન પર પડી ગયું. ગંભીર રીતે ઘાયલ થયેલા સિનાનને તાત્કાલિક હોસ્પિટલમાં ખસેડાયો, પરંતુ સારવાર દરમિયાન તેનું મોત થયું.
મૃતદેહને કલામાસેરી મેડિકલ કોલેજમાં મોકલવામાં આવ્યો છે, જ્યાં પોસ્ટમોર્ટમ બાદ પરિવારને સોંપવામાં આવશે. પોલીસ દ્વારા વધુ તપાસ શરૂ કરવામાં આવી છે.
સિનાન થોટ્ટક્કટ્ટુકારા હોલી ઘોસ્ટ કોન્વેન્ટ સ્કૂલમાં સાતમા ધોરણમાં અભ્યાસ કરતો હતો.
