વડોદરા શહેરના હરણી પોલીસ સ્ટેશન નજીક વહેલી સવારે કરુણ ઘટના બની હતી. ટ્રાન્સપોર્ટના વ્યવસાય સાથે જોડાયેલા સોફિન શીખ શેખ નામના યુવાનનું વીજ કરંટ લાગવાથી ઘટના સ્થળે મોત થયું હતું.
મળતી માહિતી અનુસાર સોફિન શેખ સવારે પોતાના કામ અર્થે આવ્યા હતા અને પોતાનો ટેમ્પો પાર્ક કરી રહ્યા હતા. તે જ સમયે બાજુમાં આવેલા એક ઇલેક્ટ્રિક થાંભલાને હાથ લગાડતા અચાનક તેમાંથી જોરદાર વીજ કરંટ લાગતા ત્યાં જ ઢળી પડ્યા હતા.સોફિનને કરંટ લાગતા જોઈને તેમના મિત્રો તાત્કાલિક મદદે આવ્યા હતા.
તેમના મિત્રોએ સોફિનને કરંટ લાગેલા થાંભલાથી છોડાવ્યા હતા. ત્યારબાદ જરા પણ સમય ગુમાવ્યા વિના, તેમને તાત્કાલિક સારવાર માટે શહેરની એસ.એસ.જી. હોસ્પિટલ ખસેડવામાં આવ્યા હતા. જોકે, હોસ્પિટલ પહોંચતા જ ફરજ પરના ડોકટરોએ સોફિન શીખ શેખને મૃત જાહેર કર્યા હતા.આ દુર્ઘટનાથી પરિવારજનો અને મિત્રવર્તુળમાં શોકનો માહોલ છવાઈ ગયો છે. આ બનાવ અંગે પોલીસે વધુ તપાસ હાથ ધરી છે.
"કોંગ્રેસના આગેવાનોએ કહ્યું, 'તમે આવી રીતે બોલજો'": ભાવનગરના પૂર્વ નગરસેવિકા સેજલ ગોહિલનું કોંગ્રેસથી ભાજપમાં અચાનક વાપસીનું રહસ્ય શું?
