Panic Button In Taxis: ટેક્સીને લઈને નવો નિયમ છે. જો તમે પણ તમારી પર્સનલ કારને ટેક્સીમાં બદલવાનું વિચારી રહ્યા છો, તો આ સમાચાર તમારા માટે ઉપયોગી સાબિત થઈ શકે છે. ટેક્સી પરમિટ મેળવવા માટે તમારી કારમાં ખૂબ જ મહત્વપૂર્ણ ડિવાઈસ ઇન્સ્ટોલ કરવું પણ જરૂરી રહેશે. વ્હીકલ લોકેશન ટ્રેકિંગ ડિવાઇસ (VLTD) અને પેનિક બટન વગર તમારી કારને કોમર્શિયલ રજીસ્ટ્રેશન નહીં મળે. એટલે કે, જો આ ડિવાઈસ ઇન્સ્ટોલ કરેલ નથી, તો તમને ટેક્સી પરમિટ મળશે નહીં. સુરક્ષાને ધ્યાનમાં રાખીને આ ડિવાઈસ લગાવવામાં આવી રહ્યું છે.
જાણકારી માટે તમને જણાવી દઈએ કે દેશમાં નિર્ભયાની ઘટના બાદ મહિલાઓની સુરક્ષાને ધ્યાનમાં રાખીને રોડ ટ્રાન્સપોર્ટ અને હાઈવે મંત્રાલયે એપ્રિલ 2018માં આ નિયમ બનાવ્યો હતો. જાન્યુઆરી 2019થી રજીસ્ટર થતા તમામ કોમર્શિયલ વાહનોમાં VLTD અને પેનિક બટન લગાવવાનું ફરજિયાત કરવામાં આવ્યું છે. જો કે, તેને સંપૂર્ણ રીતે લાગુ કરવામાં ઘણો સમય લાગ્યો હતો.
ટેક્સીમાં પેનિક બટન પણ જરૂરી
ટેક્સીમાં ઓછામાં ઓછા બે જગ્યાએ લાલ પેનિક બટન લગાવવા જરૂરી છે. પેનિક બટન પર SOS લખેલું હશે. મુસાફરો કોઈપણ કટોકટીની સ્થિતિમાં આને દબાવી શકે છે, જેથી તેમની માહિતી નજીકના પોલીસ સ્ટેશન સુધી પહોંચશે અને તેઓ તાત્કાલિક સહાય મેળવી શકશે. પેનિક બટનમાં વાહન ટ્રેકિંગ સિસ્ટમ છે જે ટેક્સીનું લોકેશન ટ્રેસ કરી શકે છે અને પોલીસ માટે મુશ્કેલીમાં મુકાયેલા પેસેન્જર સુધી પહોંચવામાં સરળતા રહે છે.
જો કોઈ વ્યક્તિની કારમાં ટ્રેકિંગ ડિવાઈસ અને પેનિક બટન ઈન્સ્ટોલ ન હોય તો તેને RTO તરફથી ટેક્સી પરમિટ નહીં મળે. એટલે કે, તમે કાયદેસર રીતે તમારી કારને ટેક્સી તરીકે રસ્તા પર ચલાવી શકશો નહીં. આવા સલામતી ફીચર્સ દરેક કોમર્શિયલ વાહનમાં લાગુ કરવા જોઈએ, માત્ર ટેક્સીઓમાં જ નહીં. તેમજ નિયમોનું ચુસ્તપણે પાલન કરવું જોઈએ.
AI ઈમેજ ક્રિએશનમાં ભારત આગળ: ChatGPTનો નવો ટૂલ ટ્રેન્ડમાં
