અભી હમ ઝિંદા હૈ : Sony Xperiaનો આ ફોન જોઈને ભૂલી જશે 'સફરજન'

ફરી એકવાર SONY સ્માર્ટફોનની દુનિયામાં પોતાનું કૌશલ્ય બતાવવા જઈ રહ્યું છે. કંપની તેનો નવીનતમ ફ્લેગશિપ સ્માર્ટફોન Sony Xperia 1 VII લોન્ચ કરવા માટે તૈયાર છે. એક સમય હતો જ્યારે ભારતમાં SONY મોબાઇલ સૌથી અલગ માનવામાં આવતા હતા, અને હવે એપલ અને સેમસંગના ચાહકો પણ આ નવા ફોનને જોઈને આશ્ચર્યચકિત થઈ શકે છે. આ ફોનની કિંમત, ફીચર્સ અને કેમેરા એપલ આઈફોનનો ખેલ બગાડી શકે છે.

SONY Xperia 1 VII ની મુખ્ય વિશેષતાઓ
આ ફોનમાં 6.5-ઇંચ ફુલ HD+ OLED HDR ડિસ્પ્લે છે, જે 120Hz સુધીના રિફ્રેશ રેટને સપોર્ટ કરે છે. આ ફોન સ્નેપડ્રેગન 8 એલીટ ચિપસેટથી સજ્જ છે. આ પ્રોસેસરને આ સમયનો સૌથી ઝડપી પ્રોસેસર માનવામાં આવે છે.

ગ્રાફિક્સ માટે, તેમાં એડ્રેનો 830 GPU છે. આ સ્માર્ટફોન એન્ડ્રોઇડ 15 પર ચાલશે અને કંપની તેમાં 4 વર્ષનાં OS અપડેટ્સ અને 6 વર્ષનાં સુરક્ષા અપડેટ્સનું વચન આપી રહી છે.

રેમ અને સ્ટોરેજ
તેમાં 12GB રેમ અને 256GB ઇન્ટરનલ સ્ટોરેજ છે. માઇક્રોએસડી કાર્ડની મદદથી તેના સ્ટોરેજને 2TB સુધી વધારી શકાય છે. આ એક ડ્યુઅલ સિમ ફોન છે, જેમાં એક સ્લોટ ઈ-સિમ માટે છે. એન્ડ્રોઇડ સ્માર્ટફોનમાં eSIM સ્લોટ આપીને, SONY સીધી રીતે એપલ સાથે સ્પર્ધા કરી રહ્યું છે.

SONY ફોન કેમેરા
ફોટો-વિડિયોગ્રાફી માટે, તમને Sony Xperia 1 VII માં ટ્રિપલ રીઅર કેમેરા સેટઅપ મળશે. તેમાં પ્રાઇમરી કેમેરા 48 મેગાપિક્સલનો છે. સેલ્ફી અને વીડિયો કોલિંગ માટે, તમને ફ્રન્ટ પર 12-મેગાપિક્સલનો કેમેરો મળી રહ્યો છે. આ બિલકુલ એપલની નવીનતમ iPhone 16 શ્રેણી જેવું છે. પરંતુ એ જોવાનું બાકી છે કે SONYનો કેમેરા આઇફોનના કેમેરાને હરાવી શકશે કે નહીં.

SONY Xperia 1 VII ની કિંમત શું છે?
Sony Xperia 1 VII ની કિંમત વિશે વાત કરીએ તો, તેના 12GB RAM + 256GB સ્ટોરેજ વેરિઅન્ટ ખરીદવા માટે, તમારે 1,399 GBP (લગભગ રૂ. 1,56,700) ખર્ચ કરવા પડશે. તમને આ ત્રણ રંગ વિકલ્પોમાં મળશે. જેમાં મોસ ગ્રીન, ઓર્કિડ પર્પલ અને સ્લેટ બ્લેક રંગોનો સમાવેશ થાય છે.

નોંધ: આ સ્માર્ટફોન હાલમાં યુરોપિયન બજારમાં પ્રી-ઓર્ડર માટે ઉપલબ્ધ છે. આ સ્માર્ટફોન ટૂંક સમયમાં ભારતમાં પ્રવેશ કરશે.