Jio and Airtel : ભારતીય ટેલિકોમ માર્કેટમાં જ્યારે પણ સસ્તા અને આક્રમક પ્લાન્સની વાત આવે ત્યારે રિલાયન્સ Jio નું નામ સૌથી પહેલા આવે છે. જોકે, એરટેલ અને વીઆઈ (Vi) પણ સ્પર્ધામાં પાછળ નથી. હાલમાં Jio તેના એક ખાસ ₹899 ના પ્લાનને કારણે ચર્ચામાં છે, તો સામે એરટેલ પણ ₹399 ના પ્લાન સાથે મજબૂત ટક્કર આપી રહ્યું છે. જાણો આ બંને પ્લાન્સમાં તમને શું ખાસ ફાયદા મળે છે.
જિયોનો ₹899 પ્લાન અને 90 દિવસની વેલિડિટી
જિયોનો આ પ્લાન એવા યુઝર્સ માટે છે, જે વારંવાર રિચાર્જ કરાવવાની ઝંઝટમાંથી મુક્તિ ઈચ્છે છે. આમાં તમને 90 દિવસની લાંબી વેલિડિટી મળે છે. દરરોજ 2GB ડેટા હિસાબે કુલ 180GB ડેટા તો મળે જ છે, પણ કંપની અત્યારે તેમાં 20GB વધારાનો ડેટા ગિફ્ટ આપી રહી છે. એટલે કે કુલ 200GB ડેટાનો આનંદ તમે માણી શકો છો.
પ્રીમિયમ ડિજિટલ સેવાઓનો ખજાનો
આ પ્લાનની સૌથી મોટી ખાસિયત તેના ડિજિટલ બેનિફિટ્સ છે. આમાં તમને JioAICloud પર 50GB સ્ટોરેજ મળે છે. એટલું જ નહીં, આજકાલ જેની બજારમાં ખૂબ માંગ છે તેવું Google Gemini Pro નું 18 મહિનાનું સબ્સ્ક્રિપ્શન પણ ફ્રીમાં આપવામાં આવે છે. આ પ્લાન ફક્ત ઈન્ટરનેટ જ નહીં પણ એડવાન્સ એઆઈ (AI) સર્વિસનો પણ અનુભવ કરાવે છે.
મનોરંજન અને અનલિમિટેડ કોલિંગ
જો તમે ફિલ્મો અને સ્પોર્ટ્સના શોખીન છો, તો આ પ્લાન સાથે 3 મહિનાનું JioHotstar સબ્સ્ક્રિપ્શન બિલકુલ ફ્રી મળે છે. આ સાથે કોઈપણ નેટવર્ક પર અનલિમિટેડ કોલિંગ અને રોજ 100 SMS ની સુવિધા પણ આપે છે. જો તમારા વિસ્તારમાં 5G નેટવર્ક છે, તો તમે અનલિમિટેડ 5G ડેટાનો પણ ઉપયોગ કરી શકશો.
એરટેલનો ₹399 વાળો શક્તિશાળી પ્લાન
હવે વાત કરીએ એરટેલની, જેણે તેના ₹399 ના પ્રીપેડ પ્લાન દ્વારા યુઝર્સને આકર્ષ્યા છે. આ પ્લાનમાં ગ્રાહકોને અનલિમિટેડ વોઈસ કોલિંગ અને દરરોજ 100 SMS મળે છે. આ પ્લાન એવા લોકો માટે બેસ્ટ છે જેમને દર મહિને ફિક્સ બજેટમાં વધુ ડેટા જોઈએ છે. એરટેલના આ પ્લાનમાં 4G અને 5G બંને પર અનલિમિટેડ ડેટાની સુવિધા છે. જોકે, તેની એક મર્યાદા (Commercial Limit) છે, જે મુજબ યુઝર્સ દર 30 દિવસે 300GB સુધીનો હાઈ-સ્પીડ ડેટા વાપરી શકે છે. જે લોકો હેવી ગેમિંગ, વીડિયો સ્ટ્રીમિંગ કે ઓફિસનું કામ મોબાઈલ ડેટા પર કરે છે તેમના માટે આ 300GB ની લિમિટ પૂરતી છે.
