iPhone 17e or iPhone 16 : થોડા દિવસ પહેલા લોન્ચ થયેલો iPhone 17e હવે વેચાણ માટે ઉપલબ્ધ છે. ₹64,900 ની કિંમતનો આ iPhone લોન્ચ ઑફર્સ અને કેટલીક બેંક ઑફર્સ સાથે ઉપલબ્ધ છે, જે તેની કિંમત લગભગ ₹5,000 સુધીનો ઘટાડો કરે છે. Apple ના સૌથી વધુ વેચાતા iPhones માંથી એક, iPhone 16 પણ આ જ કિંમતે ઉપલબ્ધ છે. જાણો કયો iPhone ખરીદવો તમારા માટે શ્રેષ્ઠ રહેશે.
ડિઝાઇન અને ડિસ્પ્લે
iPhone 17e અને iPhone 16 બંનેમાં 6.1-ઇંચની સુપર રેટિના XDR OLED ડિસ્પ્લે છે અને તે એલ્યુમિનિયમ ફ્રેમ સાથે આવે છે. iPhone 16 માં હાઇ-બ્રાઇટનેસ સપોર્ટ અને ડાયનેમિક આઇલેન્ડ જેવા ફીચર્સ છે, જે તેને પ્રીમિયમ અને અપ-ટુ-ડેટ લુક આપે છે.
પ્રોસેસર અને પરફોર્મન્સ
પ્રોસેસરની દ્રષ્ટિએ iPhone 17e નો ફાયદો છે. તેમાં Apple નું લેટેસ્ટ A19 પ્રોસેસર છે, જેનો ઉપયોગ iPhone 17 માં પણ થાય છે. iPhone 16 માં ઓલ્ડ-જનરેશનનું A18 પ્રોસેસર આપવામાં છે, જે AI પરફોર્મન્સ અને કાર્યક્ષમતાની દ્રષ્ટિએ A19 ચિપથી ઘણું પાછળ છે. જોકે, iPhone 16 માં વધુ સારું GPU છે, જે 17e ની તુલનામાં વધુ સારું ગ્રાફિક્સ અને ગેમિંગ પરફોર્મન્સ આપે છે. સ્ટોરેજની દ્રષ્ટિએ, 17e નું બેઝ મોડલ 256GB સ્ટોરેજ સાથે આવે છે, જ્યારે iPhone 16 નું બેઝ મોડલ 128GB સ્ટોરેજ સાથે આવે છે.
કેમેરા
iPhone 17e માં સિંગલ 48mp નો રીઅર મુખ્ય કેમેરો આપવામાં આવ્યો છે, જ્યારે iPhone 16 માં ડ્યુઅલ રીઅર કેમેરા સેટઅપ છે. તેમાં 12mp નો અલ્ટ્રાવાઇડ લેન્સ સાથે 48mp નો મુખ્ય કેમેરો છે. વધારાનો કેમેરા iPhone 16 ને ફોટોગ્રાફીમાં થોડોક આગળ રાખે છે.
બેટરી અને ચાર્જિંગ સપોર્ટ
એપલના મતે, 17e માં મોટી બેટરી છે અને નવી ચિપને કારણે તે વધુ કાર્યક્ષમ છે. બંને iPhones MagSafe સપોર્ટ સાથે લોન્ચ થયા છે. ચાર્જિંગ સ્પીડના સંદર્ભમાં 17e પાછળ છે. તે 15W વાયરલેસ ચાર્જિંગને સપોર્ટ કરે છે, જ્યારે iPhone 16 22W વાયરલેસ ચાર્જિંગ ઓફર કરે છે.
