- WhatsApp Account Ban in India: વોટ્સએપનો ઉપયોગ વિશ્વભરના લાખો યૂઝર્સ દ્વારા કરવામાં આવે છે. મેટા-માલિકીનું WhatsApp તેના યૂઝર્સની સુરક્ષાનું ખાસ ધ્યાન રાખે છે. ઇન્સ્ટન્ટ મેસેજિંગ, કૉલિંગ અને વિડિયો જેવી સેવાઓ સુધારવા માટે વિવિધ સુવિધાઓ બહાર પાડવામાં આવે છે. ફેબ્રુઆરી 2025ના રિપોર્ટમાં વોટ્સએપે 9.7 મિલિયન એટલે કે 97 લાખ એકાઉન્ટને પ્રતિબંધિત કર્યા છે.
ભારતીય યુઝર્સના વોટ્સએપ એકાઉન્ટ્સ બંધ કરી દેવામાં આવ્યા છે, જેમાંથી 14 લાખ એકાઉન્ટ એવા છે કે જે અન્ય યુઝર્સ ફરિયાદ કરે તે પહેલા કંપની દ્વારા સક્રિય રીતે દૂર કરવામાં આવ્યા છે. જો તમે નથી ઈચ્છતા કે તમારું વોટ્સએપ એકાઉન્ટ પ્રતિબંધિત થાય તો પહેલા જણાવીએ કે કઈ 3 ભૂલોના કારણે વોટ્સએપ એકાઉન્ટ પર પ્રતિબંધ લગાવી શકાય છે?
WhatsApp યુઝર્સે ના કરો આ 3 ભૂલો
કોઈપણ કારણ વગર કોઈને મેસેજ ન મોકલો.
બિનજરૂરી ફોરવર્ડિંગ મેસેજ ન મોકલો.
સ્પામ અને ઓટો-બોટ મેસેજ ટાળો.
ભારતીય WhatsApp એકાઉન્ટ પર પ્રતિબંધ મૂકવાના કારણો શું છે?
વાસ્તવમાં, IT નિયમો 2021 ના નિયમો અનુસાર WhatsApp દ્વારા માસિક અનુપાલન રિપોર્ટ જાહેર કરવામાં આવે છે. ફેબ્રુઆરીના રિપોર્ટમાં 97 લાખથી વધુ ભારતીય યુઝર્સના વોટ્સએપ એકાઉન્ટને પ્રતિબંધિત કરવામાં આવ્યા છે. તેની પાછળનું કારણ એ છે કે યુઝર્સ પ્લેટફોર્મનો યોગ્ય રીતે ઉપયોગ નથી કરતા. મહિનાના સુરક્ષા અહેવાલમાં એવા યૂઝર્સની સંખ્યા શામેલ છે જે સ્પામ, નકલી સંદેશાઓ, છેતરપિંડી અથવા એપ્લિકેશનના અન્ય દુરુપયોગમાં સામેલ છે.
વોટ્સએપ એકાઉન્ટ પર પ્રતિબંધ હોય તો શું કરવું?
જો તમારું WhatsApp એકાઉન્ટ પ્રતિબંધિત છે, તો તમે તમારા ફોન પર એપ્લિકેશનને ફરીથી ઇન્સ્ટોલ કરીને નંબર વડે લોગિન કરી શકો છો. જો આ પછી પણ એકાઉન્ટ ખોલવામાં ન આવે તો તમે WhatsApp સપોર્ટનો સંપર્ક કરી શકો છો. વાતચીત પછી ચકાસણી પ્રક્રિયા પૂર્ણ થશે અને તમારા પ્રતિબંધિત એકાઉન્ટને અનબ્લોક કરી શકાય છે.
AI ઈમેજ ક્રિએશનમાં ભારત આગળ: ChatGPTનો નવો ટૂલ ટ્રેન્ડમાં
