YouTube ની મોનેટાઈઝેશન પોલિસીમાં થયો મોટો ફેરફાર : જો તમે પણ આવા વિડિઓઝ બનાવો છો તો નહીં થાય કમાણી

YouTube એ 15 જુલાઈ, 2025થી તેના પ્લેટફોર્મ પર નવી મોનેટાઈઝેશન નિયમો લાગુ કર્યા છે. આ ફેરફારો ખાસ કરીને તે ચેનલોને ધ્યાનમાં રાખીને કરવામાં આવ્યા છે જે AI-જનરેટેડ, રીપીટ અને કોપી કરેલી સામગ્રી પર આધારિત છે.

YouTube ના નવા નિયમોમાં શું બદલાવ આવ્યો છે?
YouTube હવે તે વિડિઓઝને "અવાસ્તવિક" તરીકે ગણી રહ્યું છે જે પહેલાથી બનાવેલા ટેમ્પ્લેટ્સ પર વારંવાર બનાવવામાં આવે છે. આ ઉપરાંત, ફેરફાર અથવા પ્રયાસ વિના અન્ય લોકો પાસેથી કોપી કરેલી સામગ્રીનું પણ મોનેટાઈઝેશન કરવામાં આવશે નહીં. ઉપરાંત જે સામગ્રી સંપૂર્ણપણે AI દ્વારા બનાવવામાં આવી છે, જેનો કોઈ અવાજ કે ટિપ્પણી નથી તેનું મોનેટાઈઝેશન કરવામાં આવશે નહીં. અજાણી અથવા અનામી ચેનલો દ્વારા સ્પામ રીતે અપલોડ કરવામાં આવતા આવા વિડિઓઝ પર પણ કડક વલણ અપનાવવામાં આવ્યું છે.

AI નો ઉપયોગ સંપૂર્ણપણે પ્રતિબંધિત નથી, પરંતુ YouTube હવે સર્જકોને વિડિઓમાં તેમના પોતાના યોગદાન, વૉઇસઓવર, વિચારો અથવા યૂનિકનેસ ઉમેરવાની જરૂર છે. ઉદાહરણ તરીકે, ગેમિંગ ચેનલો સુરક્ષિત થઈ શકે છે જો તેઓ AI અવાજોનો ઉપયોગ કરે છે પરંતુ તેમાં કોમેન્ટ્રી અથવા રિએક્શન જોડે છે, તે સુરક્ષિત રહી શકે છે.

કઈ ચેનલો પર અસર થશે?
નીતિમાં આ ફેરફાર AI અવતાર અથવા ટેક્સ્ટ-ટુ-સ્પીચ પર ચાલતી ચેનલોને અસર કરી શકે છે. જે ચેનલો સંપૂર્ણપણે AI જનરેટ કરેલા વિડિઓઝ પર આધારિત છે તેઓ મોનેટાઈઝેશન ગુમાવવાની શક્યતા ધરાવે છે. કોપી-પેસ્ટ અથવા સંપાદિત ન થયેલ સામગ્રી હવે કામ કરશે નહીં. પરંતુ VTubers, એટલે કે એનિમેટેડ અવતાર ધરાવતા સર્જકો જે તેમના વાસ્તવિક અવાજ અને સ્ક્રિપ્ટો સાથે કામ કરે છે, તેઓ હજુ પણ સુરક્ષિત છે. ઉપરાંત, રિએક્શન વિડિઓઝ અને ટ્યુટોરિયલ્સ પર કોઈ પ્રતિબંધ નથી, જો તેમાં કંઈક નવું ઉમેરવામાં આવે તો.

કયા નિયમોમાં નહીં થાય ફેરફાર?
જોકે, મોનેટાઈઝેશન માટેની પાત્રતા બદલાશે નહીં, એટલે કે, મોનેટાઈઝેશન માટે ચેનલ પાસે છેલ્લા 12 મહિનામાં 1,000 સબ્સ્ક્રાઇબર્સ અને 4,000 કલાક જોવાનો સમય હોવો જોઈએ અથવા છેલ્લા 90 દિવસમાં 1 કરોડ શોર્ટ્સ વ્યૂઝ હોવા જોઈએ.