Vivo launches Y50s 5G and Y50e 5G models in its Y-series: Vivo એ તેની Y-સિરીઝમાં Y50s 5G અને Y50e 5G મોડલ ઉમેર્યા છે. બંને સ્માર્ટફોન ખાસ કરીને લાંબી બેટરી લાઇફ, મજબૂત બિલ્ડ અને રોજિંદા 5G ઉપયોગને ધ્યાનમાં રાખીને ડિઝાઇન કરવામાં આવ્યા છે. બંને ડિવાઇસ ડિઝાઇનમાં સરખા છે. Vivo Y50 સિરીઝના આ નવા ફોન એન્ટ્રી-લેવલ 5G સેગમેન્ટને ધ્યાનમા રાખીને બનવામાં આવ્યા છે. આ સ્માર્ટફોનના ફીચર્સમાં 12GB સુધીની RAM, 6000mAh બેટરી અને 128GB eMMC 5.1 સ્ટોરેજનો સમાવેશ થાય છે.
Vivo Y50e 5G અને Y50s 5G ની કિંમત અને કલર ઓપ્શન
કિંમતની વાત કરીએ તો, Vivo Y50e 5G ની કિંમત ચીનમાં 6GB RAM+128GB સ્ટોરેજ વેરિઅન્ટ માટે 1,499 યુઆન (આશરે રૂ. 19,300) છે. Vivo Y50s 5G ની કિંમત 6GB+256GB વેરિઅન્ટ માટે 1,799 યુઆન (આશરે રૂ. 23,200) થી શરૂ થાય છે. આ ફોન 8GB+256GB અને 12GB+256GB સ્ટોરેજ ઓપ્શનમાં પણ ઉપલબ્ધ છે. બંને સ્માર્ટફોન Diamond, Sky Blue અને Platinum કલર ઓપ્શનમાં રજૂ કરવામાં આવ્યા છે અને Vivo ની ઓફિશિયલ ચેનલો દ્વારા ચીનમાં વેચાણ માટે ઉપલબ્ધ છે.
Vivo Y50s 5G અને Y50e 5G ની ડિસ્પ્લે અને બેટરી
Vivo Y50s 5G અને Vivo Y50e 5G માં 1600x720 પિક્સેલના રિઝોલ્યુશન સાથે 6.74 ઇંચની ફ્લેટ LCD ડિસ્પ્લે છે. આ ડિસ્પ્લે 90Hz રિફ્રેશ રેટને સપોર્ટ કરે છે. બંને ફોન IP64 રેટિંગ સાથે આવે છે, જે ધૂળ અને પાણીથી પ્રોટેક્શન આપે છે. પરફોર્મન્સ માટે, બંને સ્માર્ટફોન MediaTek Dimensity 6300 પ્રોસેસર છે. Vivo Y50e 5G 6GB RAM અને 128GB eMMC 5.1 સ્ટોરેજ સાથે આવે છે, જ્યારે Vivo Y50s 5G માં 256GB UFS 2.2 સ્ટોરેજ સાથે વધુ RAM ઓપ્શન મળે છે. પાવર માટે, બંને ફોન મોટી 6,000mAh બેટરી છે. ચાર્જિંગ માટે, Y50e 5G માં 15W ચાર્જિંગને સપોર્ટ કરે છે, જ્યારે Y50s 5G માં 44W નું ફાસ્ટ ચાર્જિંગ આપવામાં આવ્યું છે. બંને ફોન OTG રિવર્સ ચાર્જિંગને પણ સપોર્ટ કરે છે.
Vivo Y50s 5G અને Y50e 5G નું કેમેરા સેટઅપ અને અન્ય ફીચર્સ
કેમેરાની વાત કરીએ તો, બંને સ્માર્ટફોનમાં ઓટોફોકસ અને 1080p વિડિયો રેકોર્ડિંગ સાથે 13mp નો રિયર કેમેરો છે. ફ્રન્ટ પર 5mp નો સેલ્ફી કેમેરો છે. સોફ્ટવેરની વાત કરીએ તો, Vivo Y50s 5G અને Y50e 5G એન્ડ્રોઇડ 15 પર આધારિત OriginOS 5 પર ચાલે છે. અન્ય ફીચર્સમાં સાઇડ-માઉન્ટેડ ફિંગરપ્રિન્ટ સેન્સર, ફેસ અનલોક, ડ્યુઅલ સિમ, 5G કનેક્ટિવિટી, વાઇ-ફાઇ, બ્લૂટૂથ 5.4, GPS, USB ટાઇપ-C પોર્ટ, 3.5mm હેડફોન જેક અને ઇન્ફ્રારેડ રિમોટ કંટ્રોલનો સમાવેશ થાય છે.
