યુક્રેન અને રશિયા વચ્ચે 3 વર્ષ જૂના યુદ્ધનો અંત લાવવા માટે તુર્કીમાં વાતચીત શરૂ થઈ ગઈ છે અને બીજી તરફ આજે રશિયાએ યુક્રેન પર મોટો ડ્રોન હુમલો કર્યો છે. યુક્રેન દ્વારા જારી કરાયેલા એક નિવેદન અનુસાર, રશિયા દ્વારા કરવામાં આવેલો આ હુમલો યુદ્ધની શરૂઆત પછી યુક્રેન પર થયેલા સૌથી મોટા ડ્રોન હુમલાઓમાંનો એક છે, જેમાં ઓછામાં ઓછા એક વ્યક્તિનું મોત થયું છે.
અહેવાલો અનુસાર, રશિયાએ રવિવારે રાત્રે 2022 માં તેના સંપૂર્ણ પાયે આક્રમણની શરૂઆત પછી યુક્રેન પર તેનો સૌથી મોટો ડ્રોન હુમલો કર્યો. યુક્રેનની વાયુસેનાએ જણાવ્યું હતું કે રશિયાએ રાત્રે કુલ 273 વિસ્ફોટક ડ્રોન છોડ્યા હતા. જેમાંથી ૮૮ બંધ કરવામાં આવ્યા હતા, લગભગ 128 ઇલેક્ટ્રોનિકલી જામ થઈ ગયા હતા.
Russia conducted its largest drone attack, involving 273 drones.
— Vitaly (@M0nstas) May 18, 2025
A total of 128 drones were lost, likely due to the high number of imitators used.
88 were shot down and 57 hit? some targets, making it the most effective drone attack so far. pic.twitter.com/HB7fZMITMM
રશિયન હુમલામાં એક મહિલાનું મોત
કિવના પ્રાદેશિક ગવર્નર માયકોલા કલાશ્નિકના જણાવ્યા અનુસાર, પ્રદેશ પર ડ્રોન હુમલામાં એક મહિલાનું મોત થયું હતું અને ત્રણ અન્ય ઘાયલ થયા હતા. શુક્રવારે આ હુમલો મોસ્કો અને કિવ વચ્ચે વર્ષોમાં પહેલી સીધી વાટાઘાટો યુદ્ધવિરામનું કારણ બનવામાં નિષ્ફળ ગયા બાદ થયો હતો.
બસ પર પણ હુમલો થયો હતો
શનિવારે, બીબીસીએ અહેવાલ આપ્યો હતો કે ઉત્તર-પૂર્વીય યુક્રેનના સુમી ક્ષેત્રમાં એક પેસેન્જર બસ પર રશિયન ડ્રોન હુમલામાં ઓછામાં ઓછા નવ લોકો માર્યા ગયા છે. આવા હુમલાઓએ રશિયા અને યુક્રેન વચ્ચે શાંતિની આશાઓને ફટકો આપ્યો છે. અગાઉ, યુએસ રાષ્ટ્રપતિ ડોનાલ્ડ ટ્રમ્પના પ્રયાસોને કારણે 30 દિવસના કામચલાઉ યુદ્ધવિરામની જાહેરાત કરવામાં આવી હતી. દરમિયાન, યુક્રેનિયન રાષ્ટ્રપતિ ઝેલેન્સકીએ સંપૂર્ણ કાયમી યુદ્ધવિરામની માગ કરી છે.
