બનાસકાંઠા જિલ્લામાં અમીરગઢ હાઇવે પર વિદેશી દારૂની હેરાફેરીનો એક બનાવ સામે આવ્યો છે. રાજસ્થાન તરફથી ગુજરાતમાં કપાસીયા ઘાટા વિસ્તારમાંથી વિદેશી દારૂ ભરેલી એક ટ્રક આવી રહી હતી. પોલીસને મળેલી બાતમીના આધારે અમીરગઢ પોલીસે ટ્રકનો પીછો શરૂ કર્યો હતો.
વિદેશી દારૂ ઝડપાયો
આ દરમિયાન ટ્રક ચાલકે પોલીસથી બચવા હાઇવે પર રોંગ સાઈડમાં ટ્રક હંકારી દીધી હતી અને થોડા અંતરે ટ્રક મૂકી ફરાર થઈ ગયો હતો. પોલીસ દ્વારા ટ્રકની તપાસ કરતા અંદાજિત રૂપિયા 30 લાખનો જેટલો વિદેશી દારૂનો મુદ્દામાલ મળી આવ્યો હતો, જેને તાત્કાલિક જપ્ત કરવામાં આવ્યો છે.
ટ્રક ચાલકની શોધખોળ હાથ ધરી
ઘટનાની જાણ થતાં અમીરગઢ પોલીસે ફરાર ટ્રક ચાલકની શોધખોળ શરૂ કરી છે અને સમગ્ર મામલે વધુ તપાસ હાથ ધરવામાં આવી છે. આ ઘટનાથી દારૂની હેરાફેરી સામે પોલીસની સતર્કતા ફરી એકવાર સામે આવી છે.
