79મા સ્વતંત્રતા દિવસના અવસરે લાલ કિલ્લેથી સંબોધન દરમિયાન વડા પ્રધાન નરેન્દ્ર મોદીએ નેક્સ્ટ જનરેશનના સુધારા માટે ટાસ્ક ફોર્સ બનાવવાની જાહેરાત કરી. તેમણે જણાવ્યું કે હવે ઉદ્દેશ્ય તમામ પ્રકારના સુધારા લાવવાનો છે.
પીએમ મોદીએ કહ્યું, “હું આ દિવાળીએ તમારા માટે ડબલ દિવાળી ઉજવવાનો છું. દેશવાસીઓને એક મોટી ભેટ મળશે. સમયની માગ છે કે GST દરોની સમીક્ષા કરવામાં આવે. અમે નવી પેઢીના GST સુધારા લાવી રહ્યા છીએ. સામાન્ય લોકો માટે ટેક્સ ઘટાડવામાં આવશે અને GST દરોમાં ભારે ઘટાડો કરવામાં આવશે.”
વિક્સિત ભારત યોજના આજથી લાગુ
પીએમ મોદીએ પોતાના સંબોધનમાં કહ્યું કે દેશના યુવાનો માટે મોટા સમાચાર છે. આજે 15 ઓગસ્ટના રોજ, હું મારા દેશના યુવાનો માટે 1 લાખ કરોડ રૂપિયાની યોજના શરૂ કરી રહ્યો છું. પ્રધાનમંત્રી વિકાસિત ભારત રોજગાર યોજના આજથી લાગુ કરવામાં આવી છે. ખાનગી ક્ષેત્રમાં પહેલી નોકરી મેળવનારા છોકરાઓ અને છોકરીઓને સરકાર દ્વારા 15,000 રૂપિયા આપવામાં આવશે. આનાથી 3.5 કરોડ યુવાનોને રોજગાર મળશે.
