Donald Trump : અમેરિકાના રાષ્ટ્રપતિ ડોનાલ્ડ ટ્રમ્પે શુક્રવારે એક ખાસ વિમાનની ઝલક દુનિયા સામે રજૂ કરી છે. આ વિમાન કતર દેશ તરફથી ગિફ્ટમાં આપવામાં આવ્યું છે, જેની કિંમત લગભગ 400 મિલિયન અમેરિકી ડોલર એટલે કે ભારતીય રૂપિયામાં આશરે 3773 કરોડ રૂપિયા થાય છે. બોઈંગ 747-8 મોડેલનું આ વિમાન હવે અમેરિકી રાષ્ટ્રપતિ માટે અસ્થાયી રૂપે 'એરફોર્સ વન' તરીકે સેવા આપશે.
નવા પ્લેનની જરૂરિયાત કેમ ઊભી થઈ?
હાલમાં રાષ્ટ્રપતિના ઉપયોગમાં લેવાતું VC-25A વિમાન ઘણું જૂનું થઈ ગયું છે. બીજી તરફ, બોઈંગ કંપની દ્વારા અમેરિકી રાષ્ટ્રપતિ માટે એક નવું કાયમી વિમાન VC-25B બનાવવામાં આવી રહ્યું છે, પરંતુ તેની ડિલિવરીમાં ઘણો વિલંબ થયો છે. આ નવું કાયમી પ્લેન વર્ષ 2027 અથવા 2028 સુધીમાં તૈયાર થાય તેવી સંભાવના છે. આ સમયગાળા દરમિયાન પ્રમુખની મુસાફરી સુરક્ષિત રાખવા માટે કતરથી મળેલા આ વિમાનનો ઉપયોગ કરવાનો નિર્ણય લેવાયો છે.
આ પણ ખાસ વાંચો : GTA 6 ગેમ પાછળ છે ઈન્ડિયન બ્રેઈન : $3.5 બિલિયનના બજેટવાળી ગેમના ગ્લોબલ ડેવલપમેન્ટમાં ભારતનો વાગ્યો ડંકો
કતરના અમીર તરફથી મળેલી ખાસ ભેટ
આ ભવ્ય બોઈંગ 747-8 વિમાન ગયા વર્ષે કતરના અમીરે અમેરિકાને ભેટ તરીકે આપ્યું હતું. હવે રાષ્ટ્રપતિ ડોનાલ્ડ ટ્રમ્પ પોતાના સત્તાવાર પ્રવાસો માટે આ પ્લેનનો ઉપયોગ શરૂ કરશે. નવું અત્યાધુનિક પ્લેન વર્ષ 2028 સુધીમાં સંપૂર્ણ રીતે સેવામાં આવે ત્યાં સુધી આ વિમાન રાષ્ટ્રપતિના મુખ્ય વાહન તરીકે પોતાની જવાબદારી નિભાવશે.
આ પણ ખાસ વાંચો : 2015માં પાકની ચીન સાથે 8 સબમરીનની થઈ હતી ડીલ, પણ 2026માં મળી 1 : જાણો દરિયામાં ભારતનો કેટલો છે પાવર
પ્લેનના મોડિફિકેશન પાછળ થયેલો મોટો ખર્ચ
જો કે, આ વિમાનને રાષ્ટ્રપતિની સવારી માટે લાયક બનાવવા અને તેમાં જરૂરી ફેરફારો કરવા પાછળ મોટા પાયે ખર્ચ કરવામાં આવ્યો છે. આ ખર્ચને લઈને અલગ-અલગ અહેવાલો સામે આવી રહ્યા છે. અમેરિકી વાયુસેનાના અંદાજ મુજબ આ પ્લેન પાછળ 400 મિલિયન ડોલરથી ઓછો ખર્ચ થયો છે, જ્યારે કેટલાક અન્ય મીડિયા રિપોર્ટ્સ દાવો કરે છે કે આ મોડિફિકેશન ખર્ચ લગભગ 1 બિલિયન ડોલર સુધી પહોંચી ગયો છે.
આ પણ ખાસ વાંચો : ભારત-પાકિસ્તાન પર એકસાથે મંડરાયું મહાસંકટ! : 100 કરોડ લોકોની જિંદગી દાવ પર, વૈજ્ઞાનિકોની ચેતવણીથી હચમચી ગઈ દુનિયા
સુરક્ષા સિસ્ટમ અને ઉભા થયેલા સવાલો
વિમાન ભલે કતર તરફથી મફતમાં મળ્યું હોય, પણ તેને રાષ્ટ્રપતિની જરૂરિયાતો મુજબ સુરક્ષિત બનાવવા માટે મોટો આર્થિક બોજ ઉઠાવવો પડ્યો છે. તેમાં ખાસ પ્રકારની અત્યાધુનિક સિક્યોરિટી સિસ્ટમ, એડવાન્સ કમ્યૂનિકેશન સાધનો અને બીજી ઘણી ખાસ ગુપ્ત સુવિધાઓ ઉમેરવામાં આવી છે. આટલી મોંઘી ગિફ્ટ સ્વીકારવાને કારણે અને તેના આધુનિકીકરણ પર થતા ભારે ખર્ચને લીધે હવે અમેરિકામાં સુરક્ષા અને હિતોના ટકરાવ જેવા ગંભીર સવાલો પણ ઉભા થઈ રહ્યા છે.
