This car costs Rs 10.76 lakh : ભારતીય બજાર ઉત્તમ કાર ઓપ્શનથી ભરેલું હોવા છતાં, લોકો ખાસ કરીને એવી કાર શોધી રહ્યા છે, જે સસ્તી હોય અને સારી માઇલેજ આપે. આવી જ એક કાર Maruti Grand Vitara છે, જે ગ્રાહકોમાં ખૂબ જ લોકપ્રિય રહી છે. આ જ કારણ છે કે, આ કાર દર મહિને સૌથી વધુ વેચાતી કાર રહી છે. ગયા વર્ષે, કંપનીએ 6 એરબેગ્સ સાથે Maruti Grand Vitara ને અપડેટ કરી હતી. ભારતીય બજારમાં Maruti Suzuki Grand Vitara ની શરૂઆત ₹10.76 લાખ (એક્સ-શોરૂમ) થી થાય છે. Maruti Grand Vitara મિડ-સાઇઝના સેગમેન્ટમાં Hyundai Creta અને Kia Seltos સાથે કોમ્પિટિશન કરે છે. તે Toyota Urban Cruiser Hyryder, Skoda Kushaq, Honda Elevate અને Citroen C3 Aircross જેવી કાર સાથે પણ કોમ્પિટિશન કરે છે.
ફુલ ટાંકી પર તે કેટલું ચાલશે?
Maruti Grand Vitara ની સૌથી મોટી ખાસિયત એ છે કે, જો તમે તેનું મજબૂત હાઇબ્રિડ મોડલ ખરીદો છો, તો તમને 45-લિટર ટાંકી મળે છે, જે ફૂલ થયા પછી સરળતાથી 1200 કિમી સુધીનું અંતર કાપી શકે છે. આ કાર સેફટીની દ્રષ્ટિએ પણ તમારા માટે એક સારો ઓપ્શન સાબિત થઈ શકે છે. કંપનીએ તેના બધા વેરિઅન્ટમાં સ્ટાન્ડર્ડ તરીકે 6 એરબેગ્સ આપે છે, જે આ SUV ને તેના સેગમેન્ટમાં એક મજબૂત ઓપ્શન બનાવે છે. Maruti Grand Vitara માં ઇલેક્ટ્રોનિક સ્ટેબિલિટી પ્રોગ્રામ (ESP), ABS અને EBD, તેમજ આગળ અને પાછળ બંને બાજુ ડિસ્ક બ્રેક્સ આપવામાં આવી છે, જે વધુ સારી બ્રેકિંગ સુનિશ્ચિત કરે છે. બાળકોની સુરક્ષા માટે ISOFIX ચાઇલ્ડ સીટ એન્કર પણ ઉપલબ્ધ છે.
Maruti Grand Vitara ના ફીચર્સ
Maruti Grand Vitara ને ડેલ્ટા+ સ્ટ્રોંગ હાઇબ્રિડ વેરિઅન્ટ સાથે અપડેટ કરવામાં આવી છે. આ વેરિઅન્ટ ઝેટા+ અને આલ્ફા+ હાઇબ્રિડ ટ્રીમ્સની રેન્જને વધુ મજબૂત બનાવે છે. આ નવા ટ્રીમમાં ડ્યુઅલ પાવરટ્રેન સિસ્ટમ છે, જેમાં પાવરફૂલ પેટ્રોલ એન્જિન અને લિથિયમ-આયન બેટરી સાથે જોડાયેલ ઇલેક્ટ્રિક મોટરનો સમાવેશ થાય છે. કારમાં ઘણા નવા ફીચર્સ ઉમેરવામાં આવ્યા છે, જેમાં 8-વે પાવર્ડ ડ્રાઇવર સીટનો સમાવેશ થાય છે, જે ડ્રાઇવિંગ પોઝિશનને સમાયોજિત કરવાનું સરળ બનાવે છે. ઇલેક્ટ્રોનિક પાર્કિંગ બ્રેક હવે 6AT વેરિઅન્ટ્સ પર ઉપલબ્ધ છે. PM 2.5 એર પ્યુરિફાયર ડિસ્પ્લે સાથે, કારની અંદરની હવા હવે વધુ સ્વચ્છ રહે છે.
