વર્ષોની અટકળો અને રાહ જોયા પછી સુપ્રસિદ્ધ ઉદ્યોગપતિ એલન મસ્કની અમેરિકન ઇલેક્ટ્રિક વાહન ઉત્પાદક ટેસ્લાએ તેના પ્રથમ મોડેલ Y SUV સાથે ભારતીય બજારમાં પ્રવેશ કર્યો છે. ટેસ્લાનો પહેલો શોરૂમ મુંબઈના BKC (બાંદ્રા કુર્લા કોમ્પ્લેક્સ) માં પણ ખુલ્યો છે, અને ગ્રાહકો કાર ઓનલાઈન બુક કરી શકે છે. ટેસ્લાની મોડેલ Y એક ઇલેક્ટ્રિક કાર હોવાથી અને કંપની એક ઇલેક્ટ્રિક કાર ઉત્પાદક હોવાથી મોડેલ Y કાર ભારતીય બજારમાં Kia EV6, Volvo XC40 રિચાર્જ, Volvo C40 રિચાર્જ અને BYD સીલ જેવા ઇલેક્ટ્રિક વાહનો સાથે સીધી સ્પર્ધા કરશે.
ટેસ્લા મોડેલ Y કેટલા વેરિઅન્ટમાં ઉપલબ્ધ થશે?
ભારતમાં ટેસ્લા મોડેલ Y બે વેરિઅન્ટમાં રજૂ કરવામાં આવ્યું છે જેમાં સ્ટાન્ડર્ડ (RWD): ₹ 59.89 લાખ (એક્સ-શોરૂમ) અને લોંગ રેન્જ (RWD): ₹ 67.89 લાખ (એક્સ-શોરૂમ) મોડેલનો સમાવેશ થાય છે. આ કાર અમેરિકાથી CBU (કમ્પ્લીટલી બિલ્ટ યુનિટ) તરીકે આયાત કરવામાં આવી રહી છે, તેથી તે ભારે આયાત ડ્યુટી લાગે છે, જેના કારણે તેની કિંમતો અન્ય દેશો કરતા વધારે છે. આ સાથે ભારતમાં ઓન-રોડ કિંમતમાં RTO ટેક્સ, વીમો, હેન્ડલિંગ ચાર્જ અને અન્ય ફીનો સમાવેશ થાય છે.
ટેસ્લા મોડેલ Y ની શું છે વિશેષતાઓ?
ટેસ્લા Y મોડેલની ડિઝાઇન અને આંતરિક ભાગ વિશે વાત કરીએ તો, તેમાં ઘણી બધી ખાસિયતો છે. આ SUV કારમાં 15.3-ઇંચની મોટી ટચસ્ક્રીન છે. આ સાથે, પેનોરેમિક ગ્લાસ રૂફ પણ આપવામાં આવ્યો છે. આ સાથે, કાર બ્રીધેબલ અને હોટ સીટ, ઇલેક્ટ્રિક ફોલ્ડિંગ, 9-સ્પીકર સાઉન્ડ સિસ્ટમ, એમ્બિયન્ટ લાઇટિંગ અને પાછળના મુસાફરો માટે 8-ઇંચ સ્ક્રીન જેવી સુવિધાઓથી સજ્જ છે.
સલામતી અને ટેકનોલોજી
ટેસ્લાનું Y મોડેલ 8 બાહ્ય કેમેરાથી સજ્જ છે અને આ સાથે તેમાં ઓટોમેટેડ ડ્રાઇવિંગ સુવિધાઓ અને હાઇ-સેન્સિંગ એલર્ટ સિસ્ટમ પણ આપવામાં આવી છે.
રેન્જ અને પર્ફોર્મન્સ
રેન્જ અને પર્ફોર્મન્સ વિશે વાત કરીએ તો કંપનીના સ્ટાન્ડર્ડ વેરિઅન્ટમાં 500 કિમી (WLTP) ની રેન્જ છે જ્યારે લોંગ રેન્જ વેરિઅન્ટમાં 622 કિમી (WLTP) ની રેન્જ છે. બંને વેરિઅન્ટમાં રીઅર-વ્હીલ ડ્રાઇવ (RWD) સેટઅપ છે અને તેમની ટોપ સ્પીડ 201 કિમી/કલાક છે.
