Realme P4 સિરીઝ ભારતમાં ટૂંક સમયમાં લોન્ચ કરવામાં આવશે. હાલમાં, ઈ-કોમર્સ સાઇટ Flipkart પર એક માઇક્રોસાઇટ દ્વારા આ સ્માર્ટફોન સિરીઝનું ટીઝર આપવામાં આવ્યું હતું. Realme એ P4 સ્માર્ટફોનની કેટલાક ફીચર્સ જાહેર કર્યા છે.
કંપનીએ કહ્યું છે કે આ સ્માર્ટફોન સિરીઝના બેઝ મોડલમાં પ્રોસેસર તરીકે MediaTek Dimensity 7400 Ultra 5G હશે. તેમાં એક અલગ પિPixelworks ચિપ હશે. Realme P4 5G માં 6.77 ઇંચનો HyperGlow AMOLED ડિસ્પ્લે હશે. જેમાં Full HD+ રિઝોલ્યુશન હશે. આ સ્માર્ટફોનમાં 80W ફાસ્ટ ચાર્જિંગ માટે સપોર્ટ સાથે 7000mAh બેટરી હશે. કંપનીનો દાવો છે કે આ સ્માર્ટફોનમાં 11 કલાક સુધી તમે ગેમ રમી શકશો. તેની બેટરી 25 મિનિટમાં 50 ટકા સુધી ચાર્જ થઈ શકે છે.
આ સ્માર્ટફોન સિરીઝના Realme P4 Pro 5G માં પ્રોસેસર તરીકે Snapdragon 7 Gen 4 હશે. Realme P4 Pro 5G માં 7000mAh બેટરી હશે જે 80W ફાસ્ટ ચાર્જિંગ માટે સપોર્ટ કરશે. કંપનીનો દાવો છે કે તે 90FPS પર આઠ કલાકથી વધુ ગેમ રમી શકશો. Realmeના પ્રોડક્ટ માર્કેટિંગના હેડ, Francis Wong તાજેતરમાં જ ખુલાસો કર્યો હતો કે આ બંને સ્માર્ટફોનની કિંમત 30,000 રૂપિયાથી ઓછી હશે. આ સાથે, તેમણે સંકેત આપ્યો કે આ સિરીઝમાં Realme P4 Ultra લાવવાની શક્યતા ઓછી છે.
હાલમાં, Realme 15 Pro 5G લોન્ચ કરવામાં આવ્યો હતો. આ સ્માર્ટફોનમાં Snapdragon 7 Gen 4 ચિપસેટ છે. કંપનીનો દાવો છે કે તે 7000mAh બેટરી સાથે આ સેગમેન્ટનો સૌથી પાતળો હેન્ડસેટ છે. કંપનીએ તેને સૌથી અદ્યતન 'AI પાર્ટી ફોન' તરીકે પ્રમોટ કર્યો છે. Realme એ કહ્યું હતું કે, આ સ્માર્ટફોન સિરીઝમાં 'પાર્ટી-પ્રેરિત કેમેરા ફીચર્સ' હશે. આમાં આર્ટિફિશિયલ ઇન્ટેલિજન્સ (AI) દ્વારા સપોર્ટેડ ઇમેજિંગનો સમાવેશ થાય છે, જેમાં કોન્સર્ટ અને ડાન્સ ફ્લોર જેવી ગતિશીલ લાઇટિંગ પરિસ્થિતિઓ અનુસાર શટર સ્પીડ, કોન્ટ્રાસ્ટને વાસ્તવિક સમયમાં ગોઠવી શકાય છે.
