નવી ભાષા 9માં શરૂ કરવાથી વિદ્યાર્થીઓ પર વધારાનો અભ્યાસનો ભાર પડે છે, કોર્ટે વ્યક્ત કરી ચિંતા
સુપ્રીમ કોર્ટે CBSEની ત્રણ-ભાષા નીતિ અંગે સુનાવણી દરમિયાન મહત્વપૂર્ણ ટિપ્પણી કરી છે. કોર્ટે કહ્યું કે વિદ્યાર્થીઓને ત્રીજી ભાષા 9મા ધોરણથી શીખવવાને બદલે 6મા ધોરણથી શીખવવામાં આવે તો તે તેમના હિતમાં રહેશે. નાની ઉંમરે નવી ભાષા શીખવી વધુ સરળ હોય છે અને તેનો વિદ્યાર્થીઓને લાંબા ગાળે લાભ મળે છે.
9મા ધોરણમાં નવી ભાષા ઉમેરવા પર કોર્ટે ઉઠાવ્યા સવાલ
સુનાવણી દરમિયાન સુપ્રીમ કોર્ટે જણાવ્યું કે 9મા ધોરણમાં વિદ્યાર્થીઓ બોર્ડ પરીક્ષાની તૈયારી તરફ આગળ વધી રહ્યા હોય છે. આવા સમયે નવી ભાષા ફરજિયાત કરવાથી તેમના અભ્યાસ પર વધારાનો ભાર પડી શકે છે અને તણાવ પણ વધી શકે છે.
CBSEની નવી નીતિ શું છે?
CBSEએ 1 જુલાઈ 2026થી ધોરણ 9માં ત્રણ ભાષા અભ્યાસક્રમ ફરજિયાત કરવાનો નિર્ણય લીધો છે. આ નિયમ મુજબ વિદ્યાર્થીઓએ ત્રણ ભાષાઓ ભણવાની રહેશે, જેમાંથી ઓછામાં ઓછી બે ભારતીય ભાષાઓ હોવી જરૂરી છે.
આ પણ વાંચો: TMCમાં રાજીનામાનો સિલસિલો યથાવત્ | વધુ એક રાજ્યસભા સાંસદે પદ છોડી દેતા રાજકીય અટકળો તેજ | Offbeat Stories
અંતિમ નિર્ણય હજુ બાકી
સુપ્રીમ કોર્ટે હાલ કોઈ અંતિમ આદેશ આપ્યો નથી. કોર્ટે માત્ર નીતિના અમલના સમય અંગે ચિંતા વ્યક્ત કરી છે અને કેન્દ્ર તથા CBSEને આ મુદ્દા પર ફરી વિચાર કરવાની જરૂર હોવાનું જણાવ્યું છે. આ મામલે આગળ પણ સુનાવણી થવાની છે.
