દિલ્હીથી લેહ જઈ રહેલા સ્પાઈસજેટ બોઇંગ 737 વિમાને મંગળવારે દિલ્હી એરપોર્ટ પર ઇમરજન્સી લેન્ડિંગ કર્યું. ટેકઓફ કર્યાના થોડા સમય પછી જ ટેકનિકલ ખામી સર્જાઈ ગઈ, જેના કારણે વિમાનને લેહ જવાને બદલે દિલ્હી એરપોર્ટ પર ઇમરજન્સી લેન્ડિંગ કરવું પડ્યું. વિમાનમાં આશરે 150 મુસાફરો હતા. કોઈ ઈજા થઈ ન હતી.
ANI એ સૂત્રોને ટાંકીને જણાવ્યું હતું કે એન્જિન નંબર 2 ફેલ થવાને કારણે ઇમરજન્સી લેન્ડિંગ કરવાની ફરજ પડી હતી. લેન્ડિંગ પછી મુસાફરો માટે વૈકલ્પિક મુસાફરીની વ્યવસ્થા કરવામાં આવે તેવી અપેક્ષા છે.
સ્પાઇસજેટના પ્રવક્તાએ જણાવ્યું હતું કે ટેકનિકલ સમસ્યાને કારણે દિલ્હીથી લેહ જતી ફ્લાઇટ પાછી બોલાવવામાં આવી હતી. વિમાન સુરક્ષિત રીતે ઉતર્યું અને બધા મુસાફરોને બહાર કાઢવામાં આવ્યા. કોકપીટમાં આગની ચેતવણીનો કોઈ સંકેત મળ્યો ન હતો.
ક્રૂને જણાયી ટેકનિકલ ખામી
ફ્લાઇટ SG121 દિલ્હીના ઇન્દિરા ગાંધી આંતરરાષ્ટ્રીય એરપોર્ટથી ઉડાન ભરી હોવાના અહેવાલ છે. ટેકઓફ કર્યા પછી તરત જ ક્રૂને ટેકનિકલ સમસ્યા જણાય આવી. સાવચેતી રૂપે, પાઇલટ્સે દિલ્હી એરપોર્ટ પર વિમાનને લેન્ડ કરવાનો નિર્ણય લીધો. પ્રોટોકોલ લેન્ડિંગ પછી, સુરક્ષા એજન્સીઓ, તબીબી ટીમ અને ફાયર સર્વિસ સાથે ઘટનાસ્થળે હાજર છે.
