ખોટું કવર બની શકે ફોન માટે જોખમ : ખરીદી પહેલા જાણો કયું કવર ફોન માટે છે સુરક્ષિત?

આજના સમયમાં સ્માર્ટફોન માત્ર ગેજેટ નથી પરંતુ આપણા દૈનિક જીવનનો મહત્વપૂર્ણ ભાગ બની ગયો છે અને તેથી તેની સુરક્ષા માટે કવર ખૂબ જરૂરી બની જાય છે, પરંતુ ઘણા લોકો ફક્ત લુક અને ડિઝાઇન જોઈને કવર ખરીદી લે છે અને એ ભૂલ તેમને આગળ જઈને મોંઘી પડી શકે છે કારણ કે ખોટો કવર ફોનને સુરક્ષા આપવાને બદલે નુકસાન પહોંચાડી શકે છે.

કવર માત્ર સ્ટાઈલ માટે નહીં, સુરક્ષા માટે પસંદ કરો

ઘણા લોકો સ્માર્ટફોન કવર ખરીદતા વખતે ફક્ત તેનો દેખાવ અને કિંમત પર ધ્યાન આપે છે પરંતુ હકીકતમાં કવર ફોન માટે એક સુરક્ષા કવચ છે અને તેનો મુખ્ય ઉદ્દેશ ફોનને પડવાથી, સ્ક્રેચથી અને ડેમેજથી બચાવવાનો હોય છે. ખોટી પસંદગીના કારણે ફોનની સ્ક્રીન, કેમેરા અને બોડી સરળતાથી નુકસાન પામી શકે છે.

મટીરિયલ પસંદગી સૌથી મહત્વપૂર્ણ

સ્માર્ટફોન કવર ખરીદતી વખતે તેનો મટિરિયલ સૌથી મહત્વપૂર્ણ બાબત છે કારણ કે તે જ નક્કી કરે છે કે કવર કેટલું મજબૂત અને સુરક્ષિત રહેશે.

મુખ્ય ધ્યાનમાં રાખવાની બાબતો:

• કવર લવચીક (રબર જેવા) મટિરિયલનું હોવું જોઈએ જેથી તે ઝટકા સહન કરી શકે

• કઠોર પ્લાસ્ટિક કવર સ્ટાઇલિશ લાગે છે પરંતુ તે પડતા તૂટી શકે છે અને ફોનને પણ નુકસાન પહોંચાડી શકે છે

• સિલિકોન કવર પકડવામાં સારા હોય છે પરંતુ તે ધૂળ ઝડપથી પકડી લે છે

સાથે જ કવરનાં કોર્નર અને કેમેરા આસપાસનો ભાગ થોડો ઊંચો (રેઝ્ડ) હોવો જોઈએ જેથી ફોન પડતાં સ્ક્રીન સીધી જમીન સાથે ન અથડાય.

ગેમિંગ અથવા હેવી યુઝ માટે યોગ્ય કવર પસંદ કરો

જો તમે મોબાઈલમાં ગેમિંગ વધુ કરો છો અથવા લાંબા સમય સુધી તેનો ઉપયોગ કરો છો તો ભારે અને જાડા કવરથી દૂર રહેવું જોઈએ કારણ કે આવા કવર ફોનની ગરમી બહાર નીકળવા દેતા નથી અને તે અંદર જ અટકી જાય છે જેના કારણે બેટરી અને પરફોર્મન્સ પર ખરાબ અસર પડી શકે છે. લાઇટવેઇટ અને હીટ ડિસિપેશનમાં મદદરૂપ કવર વધુ યોગ્ય હોય છે.

કટ-આઉટ્સ અને બટન ફિટિંગ ચેક કરવું જરૂરી

ઘણા લોકો કવર ખરીદતી વખતે ચાર્જિંગ પોર્ટ અને બટન ફિટિંગને અવગણે છે પરંતુ આ એક સામાન્ય અને મોટી ભૂલ છે કારણ કે ખોટી ફિટિંગના કારણે:

• ચાર્જિંગમાં મુશ્કેલી પડી શકે છે

• બટન દબાવવા મુશ્કેલ બને છે

• પોર્ટ્સને લાંબા ગાળે નુકસાન થઈ શકે છે

હંમેશા ખાતરી કરો કે કવરનું ડિઝાઇન ફોન સાથે સંપૂર્ણ રીતે ફિટ થાય છે.

કેમેરા અને સ્ક્રીન પ્રોટેક્શનને અવગણશો નહીં

આજના સ્માર્ટફોનમાં કેમેરા ખૂબ મહત્વપૂર્ણ ભાગ બની ગયો છે અને કવર પસંદ કરતી વખતે તેની આસપાસ પૂરતી સુરક્ષા હોવી જરૂરી છે, રેઝ્ડ એજિસ (ઉંચા કિનારા) ફોનને સપાટ સપાટી પર મૂકતા સ્ક્રેચથી બચાવે છે અને કેમેરા લેન્સને પણ સુરક્ષિત રાખે છે.