Stock Market Live: વૈશ્વિક બજારોમાંથી મળી રહેલા નબળા સંકેતો અને આંતરરાષ્ટ્રીય સ્તરે વધી રહેલા તણાવને કારણે સપ્તાહના પ્રથમ ટ્રેડિંગ દિવસે જ ભારતીય શેરબજારમાં મોટો ભૂકંપ આવ્યો છે. સોમવારે બજાર ખૂલતાની સાથે જ ચારે તરફ વેચવાલીનું ભારે દબાણ જોવા મળ્યું હતું, જેના કારણે સેન્સેક્સ અને નિફ્ટી બંને ધડાધડ નીચે ગગડી ગયા હતા. ક્રૂડ ઓઈલના આસમાને પહોંચેલા ભાવ, ઈરાન સંઘર્ષ અને સ્ટ્રેટ ઓફ હોર્મુઝમાં સર્જાયેલા અવરોધોને લીધે રોકાણકારો ભારે ચિંતામાં મૂકાયા છે. બજારમાં સવારના શરૂઆતના સમયમાં જ સેન્સેક્સ 850 પોઇન્ટ કરતાં વધુ તૂટી ગયો હતો, જ્યારે નિફ્ટી પણ 23,400ની મહત્વની સપાટી તોડીને નીચે સરકી ગયો હતો. બજારમાં આવેલી આ અચાનક ગિરાવટને પગલે ચારેય તરફ લાલચોળ નિશાન જોવા મળી રહ્યું છે.
શરૂઆતના કારોબારમાં જ સેન્સેક્સ-નિફ્ટી ધરાશાયી
બજાર ખુલ્યા બાદ સવારે 09:30 વાગ્યાની આસપાસ, બોમ્બે સ્ટોક એક્સચેન્જનો સૂચકાંક સેન્સેક્સ 855.07 પોઇન્ટ અથવા 1.14 ટકાના મોટા ઘટાડા સાથે 74,382.92 પર ટ્રેડ કરી રહ્યો હતો. બીજી તરફ, નેશનલ સ્ટોક એક્સચેન્જનો ઇન્ડેક્સ નિફ્ટી પણ 271.10 પોઇન્ટ અથવા 1.15 ટકા ગગડીને 23,3 door-2.40 ની સપાટીએ પહોંચી ગયો હતો. બજારની શરૂઆત પ્રી-ઓપન સેશનથી જ નબળી રહી હતી અને સમય જતાં વેચવાલી વધુ ઉગ્ર બની હતી.
2400થી વધુ શેરોમાં ઘટાડો, વોલેટિલિટી ઇન્ડેક્સમાં ઉછાળો
આજના કારોબારમાં માર્કેટનું સેન્ટિમેન્ટ અત્યંત નબળું જોવા મળી રહ્યું છે. બજારમાં માત્ર 737 શેર વધારા સાથે ટ્રેડ થઈ રહ્યા હતા, જેની સામે 2,415 શેરોમાં મોટો ઘટાડો નોંધાયો હતો. આ ઉપરાંત, બજારમાં અસ્થિરતા દર્શાવતો ઇન્ડેક્સ 'ઇન્ડિયા VIX' 6.55 ટકા ઉછળીને 20.02 પર પહોંચી ગયો છે, જે દર્શાવે છે કે આગામી સમયમાં બજારમાં હજી વધુ ઉતાર-ચઢાવ જોવા મળી શકે છે.
સામાન્ય લોકો માટે એલર્ટ: પેટ્રોલ ડિઝલનાં ભાવ પછી આ ચીજ-વસ્તુઓનાં વધશે ભાવ, આ રિપોર્ટે લોકોની વધારી ચિંતા
રિયલ્ટી અને ઓટો શેરો ધોવાયા, IT સેક્ટરમાં સામાન્ય રાહત
આજના આખા બજારને પછાડવામાં રિયલ્ટી, કન્ઝ્યુમર ડ્યુરેબલ્સ, પીએસયુ બેંક અને ઓટો સેક્ટરના શેરો મોખરે રહ્યા હતા. નિફ્ટી રિયલ્ટીમાં 2.52 ટકા અને નિફ્ટી કન્ઝ્યુમર ડ્યુરેબલ્સમાં 2.43 ટકાનો ઘટાડો નોંધાયો હતો. નિફ્ટી ઓટો અને પીએસયુ બેંક ઇન્ડેક્સ પણ આશરે ૨ ટકા જેટલા તૂટ્યા હતા. નિફ્ટીના ટોપ લૂઝર્સમાં ટાટા સ્ટીલ 3.76 ટકા અને પાવર ગ્રીડ 3.51 ટકા ઘટ્યા હતા. આ મંદીના માહોલમાં માત્ર આઇટી (IT) સેક્ટરે બજારને ટેકો આપવાનો પ્રયાસ કર્યો હતો. નિફ્ટી આઈટી ઇન્ડેક્સ 0.67 ટકા પ્લસમાં હતો. ઇન્ફોસિસનો શેર 1 ટકા કરતાં વધુ વધ્યો હતો, જ્યારે ટેક મહિન્દ્રા, વિપ્રો અને ટીસીએસ જેવા શેરો પણ લીલા નિશાનમાં ટ્રેડ થઈ રહ્યા હતા.
બેંક ખાતામાં આવી ગયા ભૂલથી રૂપિયા?: એક ભૂલ અને લાગી શકે છે 60 ટકા ટેક્સ અને પેનલ્ટીનો ઝટકો
ડૉલર સામે રૂપિયો રેકોર્ડ નીચી સપાટીએ, સોનામાં ઘટાડો
શેરબજારની સાથે ભારતીય ચલણ રૂપિયામાં પણ મોટો કડાકો જોવા મળ્યો છે. સોમવારે યુએસ ડૉલર સામે રૂપિયો 96.17ની અત્યાર સુધીની સૌથી નીચી ઐતિહાસિક સપાટી પર ખૂલ્યો હતો, જે શુક્રવારે 95.97 પર બંધ થયો હતો. રૂપિયાના ધોવાણને રોકવા માટે સરકારે ચાંદીની આયાત પર તાત્કાલિક અસરથી નિયંત્રણો લાદી દીધા છે. બીજી તરફ, ક્રૂડ ઓઈલના કારણે મોંઘવારી વધવાની આશંકાથી સોનાના ભાવ પણ એક મહિનાની નીચી સપાટીએ પહોંચી ગયા છે.
શુગર એક્સપોર્ટ પર પ્રતિબંધ: ઉત્પાદનમાં કયા નંબર પર છે ભારત
સપ્ટેમ્બરમાં મોટો ફેરફાર: વિપ્રો આઉટ, BSE લિમિટેડની નિફ્ટી-50 માં એન્ટ્રી!
આ બધા ઉતાર-ચઢાવ વચ્ચે માર્કેટ માટે એક મોટા સમાચાર એ આવ્યા છે કે, સપ્ટેમ્બર 2026ના ઇન્ડેક્સ રીબેલેન્સિંગ દરમિયાન ભારતના સૌથી જૂના સ્ટોક એક્સચેન્જ 'BSE લિમિટેડ' નો નિફ્ટી-50 ઇન્ડેક્સમાં સમાવેશ થઈ શકે છે. આ એન્ટ્રીને કારણે આઇટી ક્ષેત્રની દિગ્ગજ કંપની 'વિપ્રો' (Wipro) ને નિફ્ટી-50૫૦ માંથી બહાર નીકળવું પડી શકે છે
