Redmi Turbo 5 and Turbo 5 Max launched : Xiaomi એ તેની ટર્બો સિરીઝ હેઠળ ચીનમાં Redmi Turbo 5 અને Redmi Turbo 5 Max લોન્ચ કર્યા છે. આ ફોન મોટી બેટરી, હાઇ-પર્ફોમન્સ ચિપસેટ્સ અને ફ્લેગશિપ-લેવલના ફીચર્સ સાથે આવે છે, જે મિડ-પ્રીમિયમ સેગમેન્ટમાં Redmi ની સ્થિતિને વધુ મજબૂત બનાવે છે. Redmi Turbo 5 માં 6.59 ઇંચની 1.5K OLED ડિસ્પ્લે છે, જ્યારે Max માં 6.83 ઇંચની મોટી ડિસ્પ્લે છે. વેનીલા મોડલ Dimensity 8500-Ultra પ્રોસેસર અને 7560mAh બેટરી સાથે આવે છે, જ્યારે Max મોડલમાં વધુ પાવરફુલ Dimensity 9500 ચિપસેટ અને 9000mAh બેટરી છે. બંને ફોન 100W ફાસ્ટ ચાર્જિંગ, Android 16-બેસ્ડ HyperOS 3 અને ફ્લેગશિપ-ગ્રેડ ડસ્ટ અને વોટર રેઝિસ્ટન્સ સાથે આવે છે.
Turbo 5 અને Turbo 5 Max ની કિંમત
કિંમત અને ઉપલબ્ધતાની વાત કરીએ તો, Redmi Turbo 5 ચીનમાં 1,999 યુઆન (આશરે રૂ. 26,400) માં લોન્ચ કરવામાં આવ્યો છે, જ્યારે Turbo 5 Max ની શરૂઆતની કિંમત 2,499 યુઆન (આશરે રૂ. 33,000) છે. બંને સ્માર્ટફોન હાલમાં ચીનમાં વેચાણ માટે ઉપલબ્ધ છે. Turbo 5 ના વિવિધ વેરિઅન્ટની કિંમત 1,999 યુઆન થી 2,599 યુઆન (આશરે રૂ. 34,350) સુધી છે, જ્યારે Turbo 5 Max ના ટોપ વેરિઅન્ટની કિંમત 3,099 યુઆન (આશરે રૂ. 41,000) છે.
Turbo 5 અને Turbo 5 Max ની ડિઝાઇન અને કલર
ડિઝાઇનની દ્રષ્ટિએ, બંને ફોનમાં મેટલ ફ્રેમ અને ગ્લાસ બેક પેનલ છે. કંપનીનો દાવો છે કે, નવી વજન સંતુલન યોજના અને સાંકડી બેઝલ ડિઝાઇન હાથની અનુભૂતિને સુધારે છે. Redmi Turbo 5 ને Shadow Black, Light Sea Green અને Auspicious Cloud White કલર ઓપ્શનમાં ઉપલબ્ધ છે. બંને ફોનને IP66, IP68, IP69 અને IP69K રેટિંગ આપવામાં આવ્યું છે, જે સ્માર્ટફોનને ધૂળ અને પાણી પ્રોટેક્શન આપે છે.
Turbo 5 અને Turbo 5 Max ની ડિસ્પ્લે અને પ્રોસેસર
ડિસ્પ્લેની વાત કરીએ તો, Redmi Turbo 5 માં 6.59 ઇંચની 1.5K OLED ડિસ્પ્લે છે, જ્યારે Turbo 5 Max માં 6.83 ઇંચની 1.5K OLED પેનલ છે. બંને ડિસ્પ્લે 120Hz રિફ્રેશ રેટ, ડોલ્બી વિઝન, હાઇ-ફ્રિકવન્સી PWM ડિમિંગ અને 3500 nits સુધીની પીક બ્રાઇટનેસને સપોર્ટ કરે છે. કંપની M10 લ્યુમિનેસેન્ટ મટિરિયલ અને Eye Protection ફીચર્સનો ઉપયોગ કરવાનો પણ દાવો કરે છે. પર્ફોમન્સ માટે, Redmi Turbo 5 માં MediaTek Dimensity 8500-Ultra (4nm) પ્રોસેસર છે, જ્યારે Turbo 5 Max માં વધુ પાવરફુલ Dimensity 9500 (3nm) ચિપસેટ છે. બંને ફોન LPDDR5X RAM અને UFS 4.1 સ્ટોરેજ સાથે આવે છે. Xiaomi એ ફ્લેગશિપ-ગ્રેડ 3D આઇસ-સીલ્ડ કૂલિંગ સિસ્ટમ અને નવું Rampage Engine પણ સામેલ કર્યું છે, જે CPU, GPU અને મેમરી પ્રદર્શનને વધુ સારી રીતે સંચાલિત કરવાનો દાવો કરે છે.
Turbo 5 અને Turbo 5 Max નું કેમેરા સેટઅપ અને બેટરી
કેમેરા સેટઅપની વાત કરીએ તો, બંને સ્માર્ટફોનમાં OIS સાથે 50mp નો મુખ્ય કેમેરો અને 8mp નો અલ્ટ્રા-વાઇડ કેમેરો છે, જે 4K 60fps વિડિયો રેકોર્ડિંગને સપોર્ટ કરે છે. ફ્રન્ટમાં 20mp નો સેલ્ફી કેમેરો છે. Turbo 5 Max માં અલ્ટ્રાસોનિક ઇન-ડિસ્પ્લે ફિંગરપ્રિન્ટ સેન્સર છે, જ્યારે Turbo 5 માં ઓપ્ટિકલ ઇન-ડિસ્પ્લે ફિંગરપ્રિન્ટ સેન્સર છે. આ લોન્ચની મુખ્ય ખાસિયત બેટરી છે. Redmi Turbo 5 માં 7560mAh બેટરી છે, જ્યારે Turbo 5 Max માં 9,000mAh બેટરી છે. બંને ફોન 100W ફાસ્ટ ચાર્જિંગને સપોર્ટ કરે છે, અને Turbo 5 માં 27W રિવર્સ ચાર્જિંગ પણ છે. કંપનીનો દાવો છે કે આ ફોન ભારે ઉપયોગ છતાં પણ લાંબા સમય સુધી બેટરી લાઇફ આપી શકે છે.
