Redmi Note 15 Pro 5G : ટેક જગતની જાણીતી બ્રાન્ડ Xiaomi ની સબ-બ્રાન્ડ Redmi એ ભારતીય બજારમાં ધમાકેદાર એન્ટ્રી કરી છે. 29 જાન્યુઆરીના રોજ કંપનીએ તેની નવીનતમ 'Redmi Note 15 Pro' સિરીઝ લોન્ચ કરી છે. આ સિરીઝમાં કંપનીએ બે મોડલ 'Note 15 Pro' અને 'Note 15 Pro Plus' રજૂ કર્યા છે, જે પ્રીમિયમ ફિચર્સ સાથે મિડ-રેન્જ બજેટમાં ઉપલબ્ધ થશે.
Redmi Note 15 Pro 5G ની કિંમત અને બેટરી
કિંમત અને ઓફર Redmi એ આ સ્માર્ટફોનને બે સ્ટોરેજ વેરિઅન્ટમાં લોન્ચ કર્યો છે. 128GB સ્ટોરેજવાળા વેરિઅન્ટની કિંમત ₹29,999 અને 256GB વેરિઅન્ટની કિંમત ₹31,999 રાખવામાં આવી છે. ખાસ વાત એ છે કે, લોન્ચિંગ ઓફર તરીકે કંપની ₹3,000 નું કેશબેક પણ આપી રહી છે. આ ફોનનું વેચાણ 4 ફેબ્રુઆરી 2026 થી શરૂ થશે. Redmi Note 15 Pro 5G માં 6580mAh ની મોટી બેટરી આપવામાં આવી છે. ફોનને ઝડપથી ચાર્જ કરવા માટે 45W ટર્બો ચાર્જિંગ અને અન્ય ડિવાઇસ ચાર્જ કરવા માટે 22.5W રિવર્સ ચાર્જિંગનો પણ ફીચર ઉપલબ્ધ છે.
Redmi Note 15 Pro 5G નું કેમેરા સેટઅપ
આ ફોનની સૌથી મોટી ખાસિયત તેનો કેમેરા છે. કંપનીએ આમાં 200mp નો અલ્ટ્રા-હાઇ રિઝોલ્યુશન મુખ્ય કેમેરો આપ્યો છે, જે પ્રોફેશનલ ફોટોગ્રાફીનો અનુભવ કરાવશે. આ ઉપરાંત, તેમાં 8mp નો અલ્ટ્રા-વાઇડ કેમેરો અને સેલ્ફી માટે 20mp નો ફ્રન્ટ કેમેરા પણ છે. આ ફોનથી તમે 4K વિડિયો રેકોર્ડિંગ પણ કરી શકશો. આ ફોનને 'ટાઇટન ડ્યુરેબિલિટી' સ્ટ્રક્ચર સાથે બનાવવામાં આવ્યો છે. ફોનની મજબૂતી એવી છે કે તે ઊંચાઈ પરથી પડવા છતાં કે ભારે દબાણ આવવા છતાં પણ તૂટશે નહીં. સ્ક્રીનની સુરક્ષા માટે તેમાં 'Corning Gorilla Glass Victus 2' નો ઉપયોગ કરવામાં આવ્યો છે અને તેની ફ્રેમ હાઇ-સ્ટ્રેન્થ એલ્યુમિનિયમ એલોયની બનેલી છે.
Redmi Note 15 Pro 5G ની ડિસ્પ્લે અને પ્રોસેસર
પાણી અને ધૂળથી પ્રોટેક્શન માટે Redmi Note 15 Pro 5G ને IP66, IP68, IP69 અને IP69K રેટિંગ મળેલું છે. આનો અર્થ એ છે કે, ફોન ગમે તેટલા ઊંડા પાણીમાં પડે કે તેના પર ગરમ પાણીના હાઇ-પ્રેશર છાંટા ઉડે, તેને કોઈ નુકસાન થશે નહીં. સાથે જ તે ધૂળથી પણ સંપૂર્ણ સુરક્ષિત છે. પાવરફુલ પરફોર્મન્સ ફોનમાં MediaTek Dimensity 7400 Ultra 4nm પ્રોસેસર આપવામાં આવ્યું છે, જે ફોનને સુપર ફાસ્ટ બનાવે છે. આ ફોનમાં 24GB (12+12GB વર્ચ્યુઅલ) સુધીની રેમની સુવિધા છે. ડિસ્પ્લેની વાત કરીએ તો, તેમાં 6.83 ઇંચની ડિસ્પ્લે છે, જેનો રિફ્રેશ રેટ 120Hz છે.
