Redmi 15C 5G launched in India: Xiaomi એ આજે ભારતમાં પોતાનો નવો Redmi 15C 5G લોન્ચ કર્યો છે. ફોનની સૌથી મોટી હાઇલાઇટમાં તેની મોરી 6.9 ઇંચ 120Hz ડિસ્પ્લે, MediaTek Dimensity 6300 પ્રોસેસર, 6000mAh બેટરી અને 33W ફાસ્ટ ચાર્જિંગ સામેલ છે. કંપનીએ 50MP મુખ્ય રીઅર કેમેરો, Android 15-આધારિત HyperOS 2 અને RAM એક્સપેન્શન ફીચર મળે છે. એન્ટ્રી-સેગમેન્ટને ધ્યાનમાં લેતા, Redmi એ IP64 રેટિંગ, સાઇડ ફિંગરપ્રિન્ટ સેન્સર અને 8MP સેલ્ફી કેમેરા સાથે ફોન પણ રજૂ કર્યો છે.
કિંમત અને વેરિઅન્ટ
Redmi 15C 5G ત્રણ વેરિઅન્ટમાં લોન્ચ કરવામાં આવ્યો છે. 4GB+128GB વાળા બેઝ મોડલની કિંમત ₹12,499 છે, જ્યારે 6GB+128GB વાળા વેરિઅન્ટની કિંમત ₹13,999 છે. 8GB+128GB વાળા ટોપ-ઓફ-ધ-લાઇન મોડલની કિંમત ₹15,499 છે. આ ફોન 11 ડિસેમ્બરથી Amazon, Mi.com અને Xiaomi રિટેલ પર Dusk Purple, Moonlight Blue અને Midnight Black કલર ઓપ્શનમાં ઉપલબ્ધ થશે.
સ્પેશીફીકેશન
Redmi 15C 5G માં 120Hz રિફ્રેશ રેટ માટે સપોર્ટ સાથે 6.9 ઇંચ HD+ ડિસ્પ્લે છે. પીક બ્રાઇટનેસ 810 nits સુધી પહોંચે છે. આ સ્ક્રીનને TÜV Rheinland તરફથી ઓછી બ્લૂ લાઇટ અને ફ્લિકર-ફ્રી જેવા પ્રમાણપત્રો પણ મળ્યા છે. પર્ફોર્મન્સ માટે, ફોનમાં મીડિયાટેક ડાયમેન્સિટી 6300 ચિપસેટ છે, જે Mali-G57 MC2 GPU સાથે જોડાયેલ છે. કંપનીએ 4GB, 6GB અને 8GB LPDDR4X રેમ ઓપ્શન, 128GB UFS 2.2 સ્ટોરેજ આપે છે, જેને માઇક્રોએસડી કાર્ડ દ્વારા 1TB સુધી વધારી શકાય છે. ફોન એન્ડ્રોઇડ 15-આધારિત HyperOS 2 પર ચાલે છે, અને Xiaomi બે વર્ષ સોફ્ટવેર અપડેટ્સ અને ચાર વર્ષ સુરક્ષા અપડેટ્સનું વચન આપે છે.
કેમેરા સેટઅપ અને કનેક્ટિવિટી ઓપ્શન
કેમેરા સેટઅપમાં 50MP મુખ્ય કેમેરો અને સેકન્ડરી કેમેરાનો સમાવેશ થાય છે. વીડિયો કોલિંગ માટે 8MP ફ્રન્ટ કેમેરા ઉપલબ્ધ છે. Redmi 15C 5G માં 33W ફાસ્ટ ચાર્જિંગ માટે સપોર્ટ સાથે 6000mAh ની મોટી બેટરી છે. આ પાછલી જનરેશનની સરખામણીમાં નોંધપાત્ર અપગ્રેડ છે, કારણ કે Redmi 14C માં 5160mAh બેટરી અને 18W ચાર્જિંગ હતું. બિલ્ડ IP64 રેટેડ છે. કનેક્ટિવિટી ઓપ્શનમાં 5G SA/NSA સપોર્ટ સાથે ડ્યુઅલ-બેન્ડ વાઇ-ફાઇ, બ્લૂટૂથ 5.4, GPS, GLONASS અને USB ટાઇપ-C પોર્ટનો સમાવેશ થાય છે. સાઇડ-માઉન્ટેડ ફિંગરપ્રિન્ટ સેન્સર અને 3.5mm ઓડિયો જેક પણ છે.
