Redmi 15A 5G : Redmi એ ભારતમાં તેનો લેટેસ્ટ Redmi 15A 5G લોન્ચ કર્યો છે. આ નવો 5G સ્માર્ટફોન 120Hz રિફ્રેશ રેટ સાથે 6.9-ઇંચની HD+ ડિસ્પ્લે સાથે આવે છે. આ ફોન Unisoc T8300 પ્રોસેસર આપવામાં આવ્યું છે અને 6GB સુધીની RAM ને સપોર્ટ કરે છે, જેમાં 6GB સુધીની વર્ચ્યુઅલ RAM પણ છે. ફોટોગ્રાફી માટે, 8mp નો ફ્રન્ટ કેમેરો અને 32mp નો મુખ્ય રીઅર કેમેરો છે. આ ડિવાઇસ Android 16 પર બેસ્ડ Xiaomi HyperOS 3.0 પર ચાલે છે, અને Xiaomi Redmi 15A 5G માટે 4 વર્ષ માટે Android અપડેટ્સ અને 6 વર્ષ માટે સુરક્ષા અપડેટ્સનું વચન આપે છે. જાણો આ સ્માર્ટફોનના ફીચર્સ અને કિંમત વિશેની સંપૂર્ણ માહિતી.
ભારતમાં Redmi 15A 5G ની કિંમત
Redmi 15A 5G ની કિંમત 4GB+64GB વેરિઅન્ટ માટે ₹12,999, 4GB+128GB વેરિઅન્ટ માટે ₹12,999 અને 6GB+128GB વેરિઅન્ટ માટે ₹14,499 થી શરૂ થાય છે. આ ફોન Awesome Blue, Amaze Purple અને Ace Black કલર ઓપ્શનમાં ઉપલબ્ધ થશે. વેચાણ 3 એપ્રિલથી Mi.com, Flipkart અને ઑફલાઇન સ્ટોર્સ દ્વારા શરૂ થશે.
Redmi 15A 5G ની ડિસ્પ્લે અને બેટરી
Redmi 15A 5G માં 6.9-ઇંચની HD+ (1600x720 પિક્સેલ્સ) ડિસ્પ્લે છે, જેમાં 120Hz રિફ્રેશ રેટ અને 810 nits પીક બ્રાઇટનેસ છે. તેમાં DC ડિમિંગ અને TÜV રાઈનલેન્ડ સર્ટિફિકેશન પણ છે. બેટરીની વાત કરીએ તો, Redmi 15A 5G માં 6300mAh ની મોટી બેટરી છે, જે 15W ફાસ્ટ ચાર્જિંગને સપોર્ટ કરે છે, અને બોક્સમાં ચાર્જર પણ આપવામાં આવ્યું છે. તેમાં 7.5W રિવર્સ વાયર્ડ ચાર્જિંગ ફીચર પણ છે. કંપનીના જણાવ્યા અનુસાર, 1000 ચાર્જિંગ સાયકલ અથવા લગભગ 3 વર્ષ ઉપયોગ પછી બેટરી 80 ટકા સુધી સ્વસ્થ રહી શકે છે.
Redmi 15A 5G નું પ્રોસેસર અને ફીચર્સ
Redmi 15A 5G માં Octa-core Unisoc T8300 6nm પ્રોસેસર અને Mali-G57 MC2 GPU આપવામાં આવ્યું છે. આ સ્માર્ટફોન 4GB/6GB LPDDR4X RAM અને 64GB/128GB UFS 2.2 સ્ટોરેજ સાથે આવે છે, જેને microSD કાર્ડ દ્વારા 1TB સુધી વધારી શકાય છે. કેમેરા વિભાગમાં 32mp નો મુખ્ય કેમેરો અને સેકન્ડરી કેમેરાનો સમાવેશ થાય છે, જ્યારે સેલ્ફી માટે 8mp નો ફ્રન્ટ કેમેરો આપવામાં આવ્યો છે. આ ફોનમાં સાઇડ-માઉન્ટેડ ફિંગરપ્રિન્ટ સ્કેનર, 3.5mm ઓડિયો જેક અને FM રેડિયો પણ છે. તે IP52 રેટિંગ સાથે આવે છે, જે ધૂળ અને પાણીથી ફોનને પ્રોટેક્શન આપે છે. કનેક્ટિવિટી ઓપ્શનમાં 5G, ડ્યુઅલ 4G VoLTE, Wi-Fi, બ્લૂટૂથ 5.4, GPS અને USB ટાઇપ-C પોર્ટનો સમાવેશ થાય છે.
