OnePlus 15Rનું નવું વેરિઅન્ટ થયું લોન્ચ : જાણો નવા 16GB RAM મોડલમાં શું છે ખાસ

OnePlus 15R : અગ્રણી સ્માર્ટફોન કંપનીઓમાંની એક OnePlus એ ભારતીય માર્કેટમાં પોતાના લોકપ્રિય સ્માર્ટફોન OnePlus 15Rનું એક નવું પાવરફુલ વેરિઅન્ટ લોન્ચ કર્યું છે. કંપનીએ ગયા વર્ષે આ ફોનને 12GB RAM અને 512GB સ્ટોરેજ વેરિઅન્ટમાં રજૂ કર્યો હતો. હવે ગ્રાહકોને વધુ સારો પરફોર્મન્સ આપવા માટે કંપનીએ આ સ્માર્ટફોનને 16GB RAMના નવા વેરિઅન્ટ સાથે માર્કેટમાં ઉતાર્યો છે. આ નવા વેરિઅન્ટના કારણે યુઝર્સને ગેમિંગ અને મલ્ટિટાસ્કિંગમાં ઘણો ફાયદો થશે.

નવા વેરિઅન્ટની કિંમત અને કલર ઓપ્શન

ભારતમાં OnePlus 15Rના 16GB RAM+512GB સ્ટોરેજવાળા નવા વેરિઅન્ટની કિંમત 61,999 રૂપિયા નક્કી કરવામાં આવી છે. આ સિવાય ફોનનો બેઝ વેરિઅન્ટ જે 12GB RAM+256GB સ્ટોરેજ સાથે આવે છે તેની કિંમત 54,999 રૂપિયા છે અને 12GB RAM+512GB સ્ટોરેજવાળા વેરિઅન્ટની કિંમત 59,999 રૂપિયા છે. આ સ્માર્ટફોનને ગ્રાહકો Mint Breeze, Electric Violet અને Charcoal Black જેવા આકર્ષક કલર્સમાં ખરીદી શકશે.

₹40 હજારની રેન્જમાં સૌથી બેસ્ટ સ્માર્ટફોન કયો?: Redmi, iQOO અને OnePlus ના લેટેસ્ટ સ્માર્ટફોન વચ્ચે જબરદસ્ત મુકાબલો

શાનદાર ડિસ્પ્લે અને પ્રોસેસર પાવર

OnePlus 15Rના સ્પેસિફિકેશન્સ અને ફીચર્સની વાત કરીએ તો તેમાં 6.83-ઇંચની 1.5K AMOLED ડિસ્પ્લે આપવામાં આવી છે જે 2,800×1,272 પિક્સેલ્સ રિઝોલ્યુશન ધરાવે છે. આ સ્ક્રીન 165Hz સુધીનો વેરિયેબલ રિફ્રેશ રેટ સપોર્ટ કરે છે અને સ્ક્રીનની સુરક્ષા માટે તેમાં Crystal Shield ગ્લાસ પ્રોટેક્શન આપવામાં આવ્યું છે. ફોનમાં પાવરફુલ ગેમિંગ અને સ્મૂધ પરફોર્મન્સ માટે Snapdragon 8 Gen 5 પ્રોસેસર મળે છે અને આ ફોન Android 16 પર આધારિત OxygenOS 16 પર કામ કરે છે.

દમદાર કેમેરા સેટઅપ

ફોટોગ્રાફી માટે OnePlus 15Rના રિયરમાં ડ્યુઅલ કેમેરા સેટઅપ આપવામાં આવ્યું છે. જેમાં ઓપ્ટિકલ ઇમેજ સ્ટેબિલાઇઝેશન એટલે કે OIS સપોર્ટ સાથે 50mpનો મુખ્ય કેમેરો અને 8mp નો અલ્ટ્રા-વાઇડ કેમેરો સામેલ છે. સેલ્ફી અને વીડિયો કોલિંગના શોખીનો માટે ફોનની ફ્રન્ટમાં 32mp નો શાનદાર કેમેરો આપવામાં આવ્યો છે જેનાથી હાઇ ક્વોલિટી ફોટા પાડી શકાય છે.

WhatsApp પર ઓનલાઈન આવ્યા વગર મોકલી શકાશે Voice Message!: આવી રહ્યું છે નવું શાનદાર ફીચર, જાણો કેવી રીતે કરશે કામ

મોટી બેટરી અને કુલિંગ સિસ્ટમ

આ સ્માર્ટફોનમાં પાવર બેકઅપ માટે 7,400mAhની વિશાળ બેટરી આપવામાં આવી છે જે 80 W સુપર ફ્લેશ ચાર્જ ટેકનોલોજીને સપોર્ટ કરે છે. ગેમિંગ દરમિયાન ફોન ગરમ ન થાય તે માટે આમાં Glacier VC કૂલિંગ સિસ્ટમ ઇન્સ્ટોલ કરવામાં આવી છે. કનેક્ટિવિટી માટે આ ફોનમાં બ્લૂટૂથ, Wi-Fi અને USB Type-C પોર્ટ જેવા ઓપ્શન્સ મળે છે. આ ઉપરાંત સુરક્ષા માટે અલ્ટ્રાસોનિક ઇન-ડિસ્પ્લે ફિંગરપ્રિન્ટ સેન્સર અને શ્રેષ્ઠ અવાજ માટે સ્ટીરિયો સ્પીકર્સ પણ આપવામાં આવ્યા છે.