Realme P4 Power 5G : Realme P4 Power 5G ભારતમાં લોન્ચ કરવામાં આવ્યો છે, જેની સૌથી મોટી ખાસિયત તેની વિશાળ બેટરી છે. આ ફોન 10,001mAh ટાઇટન બેટરી સાથે આવે છે, જેને કંપની અત્યાર સુધીના કોઈપણ કોમર્શિયલ સ્માર્ટફોનમાં જોવા મળતી સૌથી મોટી બેટરી હોવાનો દાવો કરી રહી છે. Realme એ ગયા વર્ષે 10,000mAh અને 15,000mAh બેટરીવાળા કોન્સેપ્ટ ફોનનું રજૂ કર્યા હતા અને હવે કંપની તે કોન્સેપ્ટને સીધા જ પ્રોડક્ટમાં લાવી છે. વિશાળ બેટરી પેક ઉપરાંત, નવા Realme સ્માર્ટફોનના કેટલાક અન્ય હાઇલાઇટ્સમાં 1.5K AMOLED ડિસ્પ્લે, MediaTek Dimensity 7400 Ultra ચિપસેટ, 4613mm² AirFlow VC ચેમ્બર અને IP69 અને ArmorShell Protection જેવી સેફટી ફીચર્સનો સમાવેશ થાય છે.
ભારતમાં Realme P4 Power 5G ની કિંમત, ઉપલબ્ધતા
Realme P4 Power 5G ની કિંમત અને વેરિઅન્ટની વાત કરીએ તો, 8GB+128GB સ્ટોરેજ વેરિઅન્ટની કિંમત ₹25,999 છે અને તે TransSilver અને TransBlue કલર ઓપ્શનમાં આવે છે. 8GB+256GB વેરિઅન્ટ TransSilver, TransBlue અને TransOrange કલર ઓપ્શનમાં ₹27,999 માં ઉપલબ્ધ છે. 12GB+256GB સ્ટોરેજ સાથેનો ટોપ-ઓફ-ધ-લાઇન વેરિઅન્ટ, ₹30,999 છે અને તે TransSilver અને TransOrange કલર ઓપ્શનમાં ઓફર કરવામાં આવે છે.
Realme P4 Power 5G ની ડિસ્પ્લે અને બેટરી
આ સ્માર્ટફોનની સૌથી મોટી તાકાત તેની 10,001mAh બેટરી છે. કંપનીનો દાવો છે કે, આ બેટરી એક ચાર્જ પર લગભગ 1.5 દિવસ સુધી ચાલી શકે છે. ફોન 80W ફાસ્ટ ચાર્જિંગ, તેમજ બાયપાસ ચાર્જિંગ અને 27W રિવર્સ ચાર્જિંગ ફીચરને સપોર્ટ કરે છે. ડિસ્પ્લેની વાત કરીએ તો, Realme P4 Power 5G માં 6.8-ઇંચ 1.5K AMOLED HyperGlow 4D Curve+ ડિસ્પ્લે છે જે 144Hz રિફ્રેશ રેટને સપોર્ટ કરે છે. પરફોર્મન્સ માટે, ફોન MediaTek Dimensity 7400 Ultra ચિપસેટ દ્વારા સંચાલિત છે, જે HyperVision+ AI ચિપ સાથે જોડાયેલ છે. થર્મલ મેનેજમેન્ટ માટે, Realme ફોનમાં 4613mm² AirFlow VC અને 13743mm² મોટો ગ્રેફાઇટ એરિયા છે., જે હીટ ડિસિપેશનમાં સુધારવાનો દાવો કરે છે.
Realme P4 Power 5G નું કેમેરા સેટઅપ અને AI ફીચર્સ
કેમેરા સેક્શનમાં, Realme P4 Power 5G માં ડ્યુઅલ રીઅર સેટઅપ છે, જેમાં OIS સાથે 50mp નો સોની મુખ્ય કેમેરો અને 8mp નો અલ્ટ્રા-વાઇડ કેમેરો છે, જે 4K વિડિયો રેકોર્ડિંગને સપોર્ટ કરે છે. ફ્રન્ટ પર 16mp નો સેલ્ફી કેમેરો છે. કેમેરા હાર્ડવેરની સાથે, ફોનમાં AI Edit Genie 2.0, AI Instant Clip, AI Perfect Shot, AI LightMe અને AI StyleMe જેવા ઘણા AI ફીચર્સ પણ છે, જે ફોટોગ્રાફી અનુભવને વધારવાનો દાવો કરે છે. Realme P4 Power 5G સ્માર્ટફોન realme UI 7.0 પર ચાલે છે, જે Android 16 પર આધારિત છે. કંપનીના જણાવ્યા અનુસાર, તેમાં નવું Flux Engine છે, જે સરળ એનિમેશન અને વધુ સારા મલ્ટીટાસ્કિંગ અનુભવ માટે રચાયેલ છે. Realme P4 Power 5G માટે ત્રણ મુખ્ય Android OS અપડેટ્સ અને ચાર વર્ષના સુરક્ષા પેચનું વચન આપે છે. આ ફોન ડ્યુરેબિલિટીની દ્રષ્ટિએ પણ મજબૂત છે. Realme P4 Power 5G માં IP66, IP68 અને IP69 રેટિંગ સાથે આવે છે, જે તેને ધૂળ અને પાણી સામે ખૂબ જ પ્રતિરોધક બનાવે છે. વધુમાં, ફોનમાં ArmorShell પ્રોટેક્શન અને ફ્રન્ટ પર Corning Gorilla Glass છે.
