Realme C85 5G launched in India: Realme એ C85 5G ને ભારતમાં લોન્ચ કર્યો છે. કંપનીના જણાવ્યા અનુસાર, આ ફોન બજેટ સેગમેન્ટમાં 5G ની પહોંચ વધારવા તેમજ મજબૂતાઈ અને બેટરી પર્ફોર્મન્સ પર ફોકસ કરે છે. આ ફોનમાં 144Hz રિફ્રેશ રેટ અને 1200 nits સુધીની પીક બ્રાઇટનેસ સાથે 6.8-ઇંચ HD+ LCD ડિસ્પ્લે છે. તે MediaTek Dimensity 6300 પ્રોસેસર આપવામાં આવ્યું છે અને Realme UI 6.0 (Android 15) સાથે આવે છે. આ ડિવાઇસમાં 8GB સુધીની RAM અને RAM એક્સપેન્શન હેઠળ 10GB સુધીની Dyanamic RAM નો ઓપ્શન મળે છે.
આ સ્માર્ટફોનને Guinness World Record મળ્યો
એક બજેટ ફોન હોવા છતાં, Realme C85 5G માં IP66, IP68, IP69, અને IP69K રેટેડ બિલ્ડ છે, જે ધૂળ, પાણી અને હાઇ-પ્રેશરવાળા પાણીના જેટ સામે પ્રોટેક્શન પૂરું પાડવાનો દાવો કરે છે. આ ફોનને 30 મિનિટ સુધી 6 મીટર પાણીમાં ડુબાડીને તેનું પરીક્ષણ કરવામાં આવ્યું છે અને તેને લશ્કરી-ગ્રેડ MIL-STD 810H પ્રમાણપત્ર પણ પ્રાપ્ત થયું છે. Realme અનુસાર, C85 5G એ “Most people performing a mobile phone water resistance test” માટે Guinness World Record પણ હાંસલ કર્યો છે.
Realme C85 5G માં 6.8 ઇંચની HD+LCD ડિસ્પ્લે છે જેનો રિફ્રેશ રેટ 144Hz અને પીક બ્રાઇટનેસ 1200 nits સુધી છે. તે MediaTek Dimensity 6300 ચિપસેટ દ્વારા સંચાલિત છે અને Realme UI 6.0 (Android 15) પર ચાલે છે. આ ડિવાઇસમાં 5300+mm² VC કૂલિંગ સિસ્ટમ પણ છે, જે લાંબા સમય સુધી પર્ફોર્મન્સને સ્થિર રાખવામાં મદદ કરે છે. RAM 10GB સુધી વધારી શકાય છે, અને સ્ટોરેજ microSD કાર્ડ દ્વારા 2TB સુધી વધારી શકાય છે.
Realme C85 5G કેમેરા સેટઅપ
કેમેરા સેટઅપની વાત કરીએ તો, Realme C85 5G માં પાછળના ભાગમાં 50MP Sony IMX852 મુખ્ય સેન્સર છે, જે AI એડિટિંગ ફીચર સાથે આવે છે. આગળના ભાગમાં, 8MP કેમેરા છે, જે 1080p વિડિઓ રેકોર્ડિંગને સપોર્ટ કરે છે.
બેટરી અને કનેક્ટિવિટી ઓપ્શન
આ ફોનમાં 1115 Ultra-Linear બોટમ સ્પીકર છે, જેનો કંપનીનો દાવો છે કે તે 400% Ultra Volume આઉટપુટ આપવા સક્ષમ છે. તેમાં સાઇડ-માઉન્ટેડ ફિંગરપ્રિન્ટ સેન્સર પણ સામેલ છે. આ સ્માર્ટફોનમાં 7000mAh ની બેટરી છે, જે બે દિવસ સુધી બેટરી લાઇફ આપવાનો દાવો કરે છે. તે 45W ફાસ્ટ ચાર્જિંગ અને 6.5W રિવર્સ વાયર્ડ ચાર્જિંગને સપોર્ટ કરે છે. કનેક્ટિવિટી ઓપ્શનમાં 5G SA/NSA, Wi-Fi 5, બ્લૂટૂથ 5.3, GPS અને USB ટાઇપ-C નો સમાવેશ થાય છે.
ભારતમાં Realme C85 5G ની કિંમત, ઉપલબ્ધતા
Realme C85 5G ના 4GB+128GB વેરિઅન્ટની કિંમત ₹15,499 છે, જ્યારે 6GB+128GB વેરિઅન્ટની કિંમત ₹16,999 છે. આ ફોન Realme India ના ઓનલાઈન અને ઓફલાઈન સ્ટોર્સ અને Flipkart પર Parrot Purple અને Peacock Green કલર ઓપ્શનમાં ઉપલબ્ધ છે. લોન્ચ ઑફર્સમાં ₹500 કૂપન ડિસ્કાઉન્ટનો સમાવેશ થાય છે, જે બંને વેરિઅન્ટની અસરકારક કિંમત ₹14,999 અને ₹16,499 સુધી લાવે છે. કંપની ત્રણ મહિના માટે ઓનલાઈન એક્સચેન્જ અને નો-કોસ્ટ EMI ઓપ્શન પર 3,000 રૂપિયાની ઓફર પણ આપી રહી છે.
