રાષ્ટ્રીય એકતા દિવસની ભવ્ય પરેડમાં ગુજરાત પોલીસની ઘોડેસવારોની ટુકડીનું નેતૃત્વ DySP મનીષા દેસાઈએ સંભાળ્યું હતું. 2022 બેચની આ યુવા અધિકારીએ એવી હિંમત અને શિસ્ત બતાવી કે સમગ્ર પરેડ દરમિયાન દર્શકોના રૂંવાડા ઊભા થઈ ગયા.
વર્તમાનમાં બોટાદ જિલ્લામાં કાર્યરત DySP મનીષા દેસાઈએ ઘોડેસવારોની ટુકડીને શિસ્તબદ્ધ રીતે આગળ વધારતા, “એકતા” અને “સાહસ”ના સાચા અર્થને જીવંત કર્યો. તેમની કમાન હેઠળ અશ્વદળે એવો ઉત્કૃષ્ટ પ્રદર્શન આપ્યો કે ઉપસ્થિત સૌએ તાળી પાડી પ્રશંસા વ્યક્ત કરી.
ગુજરાત પોલીસ પાસે દેશનો સૌથી મોટો અશ્વદળ
ગુજરાત પોલીસ પાસે હાલમાં 757 ઘોડા ધરાવતું અશ્વદળ છે, જે દેશનું સૌથી મોટું પોલીસ અશ્વદળ ગણાય છે. આ દળને નિયમિત તાલીમ આપવામાં આવે છે અને રાજ્યના અનેક વિધિ-વિધાન તથા રાષ્ટ્રીય કાર્યક્રમોમાં તેની હાજરી મહત્વપૂર્ણ રહે છે.
પરેડ દરમિયાન આ અશ્વદળના ઘોડાઓ અને સવારોએ એકસૂર ચાલ સાથે અનોખી દ્રશ્યમયતા ઉભી કરી. દરેક ઘોડેસવારની સાથે સંકલન અને નિયંત્રણની એવી કસોટી દેખાઈ કે તે ગુજરાત પોલીસની તાલીમની સ્તરનું પ્રતિબિંબ બની.
યુવા મહિલા અધિકારીનો ઉદાહરણરૂપ સાહસ
DySP મનીષા દેસાઈએ માત્ર નેતૃત્વ નહીં, પણ મહિલા સશક્તિકરણનું જીવંત ઉદાહરણ પૂરું પાડ્યું.
તેમણે બતાવ્યું કે યુવા અધિકારીઓ કેવી રીતે સંકલ્પ, આત્મવિશ્વાસ અને શિસ્તથી રાષ્ટ્રીય સ્તરે ગૌરવ મેળવી શકે છે.
પરેડમાં હાજર અધિકારીઓએ કહ્યું કે “મનીષા દેસાઈ જેવી અધિકારીઓ ભારતની નવી પેઢીના નેતૃત્વનું પ્રતિનિધિત્વ કરે છે.”
