Poco launches Poco C85 5G: Poco એ આજે ભારતીય બજારમાં પોતાનો નવો સસ્તો સ્માર્ટફોન, Poco C85 5G લોન્ચ કર્યો છે. C85 5G માં 50mp નો મુખ્ય કેમેરઑ અને 8mp નો ફ્રન્ટ કેમેરો છે. તેમાં 33W ફાસ્ટ ચાર્જિંગ સપોર્ટ સાથે 6,000mAh બેટરી છે. તેમાં 6.9-ઇંચ HD+ ડિસ્પ્લે છે. જાણો Poco C85 5G ના ફીચર્સ, ફંક્શન અને કિંમતની માહિતી
Poco C85 5G કિંમત
Poco C85 5G ની કિંમત 4GB+128GB સ્ટોરેજ વેરિઅન્ટ માટે ₹11,999, 6GB+128GB સ્ટોરેજ વેરિઅન્ટ માટે ₹12,999 અને 8GB+128GB સ્ટોરેજ વેરિઅન્ટ માટે ₹14,499 છે. લોન્ચ ઓફરના ભાગ રૂપે, ગ્રાહકો HDFC, ICICI, અથવા SBI બેંક ક્રેડિટ અને ડેબિટ કાર્ડ ટ્રાન્જેક્શન પર ₹1,000 નું ઇન્સ્ટન્ટ બેંક ડિસ્કાઉન્ટ, ₹1,000 નું એક્સચેન્જ બોનસ મેળવી શકે છે. વધુમાં, ક્રેડિટ અને ડેબિટ કાર્ડ બંને પર 3 મહિનાનો નો-કોસ્ટ EMI ઓપ્શન ઉપલબ્ધ છે. આ ઓફર સેલના પહેલા દિવસે માન્ય છે. આ ફોન 16 ડિસેમ્બર, 2025 થી ફ્લિપકાર્ટ પર ઉપલબ્ધ થશે. તે Mystic Purple, Spring Green અને Power Black કલરમાં ઉપલબ્ધ થશે.
Poco C85 5G ફીચર્સ
Poco C85 5G માં 6.9 ઇંચ HD+ ડિસ્પ્લે છે જેનું રિઝોલ્યુશન 1600x720 પિક્સેલ, 20:9 આસ્પેક્ટ રેશિયો, 120Hz રિફ્રેશ રેટ અને 810 નિટ્સ પીક બ્રાઇટનેસ છે. ડિસ્પ્લે TUV Rheinland Low Blue Light અને TUV Flicker-Free પ્રમાણિત છે. આ ફોનમાં MediaTek Dimensity 6300 પ્રોસેસર અને Mali-G57 MC2 GPU છે. ફોનમાં 4GB/6GB/8GB LPDDR4X RAM અને 128GB UFS2.2 ઇનબિલ્ટ સ્ટોરેજ છે, જેને માઇક્રોએસડી કાર્ડથી સ્ટોરેજ 1TB સુધી વધારી શકાય છે. તે 8GB સુધી વર્ચ્યુઅલ RAM એક્સપેન્શનને પણ સપોર્ટ કરે છે. ફોન એન્ડ્રોઇડ 15 પર આધારિત HyperOS 2.2 પર ચાલે છે. કંપની 2 મુખ્ય એન્ડ્રોઇડ અપગ્રેડ અને 4 વર્ષ સિક્યોરિટી અપડેટ્સનું વચન આપે છે.
Poco C85 5G કેમેરા સેટઅપ અને કનેક્ટિવિટી ઓપ્શન
કેમેરા સેટઅપની વાત કરીએ તો, C85 5G માં પાછળના ભાગમાં f/1.8 અપર્ચર સાથે 50mp નો મુખ્ય કેમેરો છે. સેલ્ફી માટે, f/2.0 અપર્ચર સાથે 8mp નો ફ્રન્ટ કેમેરો છે. સિક્યોરિટી માટે, ફોનમાં સાઇડ-માઉન્ટેડ ફિંગરપ્રિન્ટ સેન્સર છે. તેને ધૂળ અને પાણી પ્રોટેક્શન આપવા માટે IP64 રેટેડ છે. ફોનમાં 6,000mAh બેટરી છે જે 33W વાયર્ડ ફાસ્ટ ચાર્જિંગ અને 10W વાયર્ડ રિવર્સ ચાર્જિંગને સપોર્ટ કરે છે. કનેક્ટિવિટી ઓપ્શનમાં 5G, 3.5mm ઓડિયો જેક, ડ્યુઅલ 4G VoLTE, Wi-Fi, બ્લૂટૂથ 5.4, GPS અને USB ટાઇપ-C પોર્ટનો સમાવેશ થાય છે.
