Poco C81X and Poco C81 : Poco એ આજે ભારતીય બજારમાં Poco C81 અને Poco C81X લોન્ચ કર્યા છે. ઓક્ટા-કોર UNISOC T7250 12nm પ્રોસેસર દ્વારા સંચાલિત, આ ફોનમાં 13mp નો મુખ્ય કેમેરો અને 8mp નો ફ્રન્ટ કેમેરો છે. C81X માં 5,200mAh બેટરી છે, જ્યારે C81 માં 6,300mAh બેટરી છે. જાણો Poco C81 અને Poco C81X ના ફીચર્સ, ડિસ્પ્લે અને કિંમત વિશેની સંપૂર્ણ માહિતી.
Poco C81X અને Poco C81 ની કિંમત
Poco C81X ના 3GB+64GB સ્ટોરેજ વેરિઅન્ટની કિંમત ₹9,999 છે. Poco C81 ના 4GB+64GB સ્ટોરેજ વેરિઅન્ટની કિંમત ₹10,999 છે. બંને સ્માર્ટફોન 27 એપ્રિલથી ઈ-કોમર્સ સાઇટ ફ્લિપકાર્ટ પર વેચાણ માટે ઉપલબ્ધ થશે.
Poco C81X અને Poco C81 ની ડિસ્પ્લે અને પ્રોસેસર
Poco C81X માં 6.88-ઇંચની HD+IPS LCD ડિસ્પ્લે છે, જેનું રિઝોલ્યુશન 1600x720 પિક્સેલ, 120Hz રિફ્રેશ રેટ અને 240Hz ટચ સેમ્પલિંગ રેટ છે. Poco C81 માં 6.9-ઇંચની HD+IPS LCD ડિસ્પ્લે છે, જેનું રિઝોલ્યુશન 1600x720 પિક્સેલ, 120Hz રિફ્રેશ રેટ અને 240Hz ટચ સેમ્પલિંગ રેટ છે. ફોનમાં 1.8GHz ઓક્ટા-કોર UNISOC T7250 12nm પ્રોસેસર અને Mali-G57 MP1 GPU છે. તે 3GB/4GB LPDDR4X RAM અને 64GB UFS 2.2 ઇન્ટરનલ સ્ટોરેજ સાથે આવે છે, જેને માઇક્રોએસડી કાર્ડથી 2TB સુધી વધારી શકાય છે. C81X, Android 15 પર બેસ્ડ Xiaomi HyperOS 2 પર ચાલે છે, જ્યારે C81, Android 16 પર બેસ્ડ Xiaomi HyperOS 3 સાથે આવે છે.
આ પણ ખાસ વાંચો : POCO C85x 5G: 11 હજારવાળો આ ફોન ખરેખર 'વેલ્યુ ફોર મની' છે કે નહીં? : શું છે આ ફોનની મુખ્ય વિશેષતા
Poco C81X અને Poco C81 નું કેમેરા સેટઅપ અને ચાર્જિંગ
કેમેરા સેટઅપમાં 13mp નો મુખ્ય કેમેરો અને f/2.2 એપરચરવાળો સેકન્ડરી કેમેરો આપવામાં આવ્યો છે. સેલ્ફી અને વીડિયો કોલ માટે, f/2.2 એપરચરવાળો 8mp નો ફ્રન્ટ કેમેરો છે. સુરક્ષા માટે સાઇડ-માઉન્ટેડ ફિંગરપ્રિન્ટ સ્કેનર ઉપલબ્ધ છે. ફોનને ધૂળ અને પાણીથી સુરક્ષિત રાખવા માટે IP52 રેટિંગ આપવામાં આવ્યું છે. કનેક્ટિવિટી ઓપ્શનમાં ડ્યુઅલ 4G VoLTE, Wi-Fi, બ્લૂટૂથ 5.2, GPS અને USB ટાઇપ-C પોર્ટનો સમાવેશ થાય છે. C81x માં 5,200mAh બેટરી છે, જ્યારે C81 માં 6,300mAh બેટરી છે જે 15W ફાસ્ટ ચાર્જિંગને સપોર્ટ કરે છે.
