Ahmedabad plane crash: અમદાવાદ વિમાન દુર્ઘટના કેસમાં પાઇલટ સુમિત સભરવાલ દ્વારા એર ટ્રાફિક કંટ્રોલરને મોકલવામાં આવેલ છેલ્લો સંદેશ પ્રકાશમાં આવ્યો છે. 4-5 સેકન્ડમાં સુમિત મેડે, મેડે, મેડે કહી રહ્યો છે...થ્રસ્ડ મળી રહ્યો નથી, પાવર ઓછો પડી રહ્યો છે. પ્લેન ઉંચું જઈ રહ્યું નથી. આપણે બચી શકીશું નહીં. જે હોસ્ટેલ બિલ્ડિંગમાં વિમાન ક્રેશ થયું હતું તેમાં 34 લોકોના મોત થયા છે. આ દરમિયાન મૃત્યુઆંક 275 પર પહોંચી ગયો છે. વિમાનમાં 12 ક્રૂ સભ્યો સહિત 242 લોકો હતા.
આજે ખડગે આવશે અમદાવાદ
કોંગ્રેસ પ્રમુખ મલ્લિકાર્જુન ખડગે આજે શનિવારે અમદાવાદની મુલાકાત લેશે. આ દરમિયાન તેઓ અકસ્માત સ્થળની મુલાકાત લેશે અને મૃતકોના સંબંધીઓને મળશે. શુક્રવારે અગાઉ પીએમ મોદી પણ અમદાવાદ પહોંચ્યા હતા, જ્યાં તેમણે અકસ્માત સ્થળની મુલાકાત લીધી હતી, ત્યારબાદ તેઓ સિવિલ હોસ્પિટલ પણ ગયા હતા જ્યાં તેઓ અકસ્માતમાં બચી ગયેલા એકમાત્ર મુસાફર રમેશ કુમાર વિશ્વાસને મળ્યા હતા.
મંત્રાલયે ઉચ્ચ સ્તરીય તપાસ સમિતિની રચના કરી
દરમિયાન નાગરિક ઉડ્ડયન મંત્રાલયે અકસ્માતની તપાસ માટે એક ઉચ્ચ સ્તરીય બહુ-શાખાકીય સમિતિની રચના કરી છે. આ સમિતિ હાલની માનક સંચાલન પ્રક્રિયાઓ અને અકસ્માતોને રોકવા માટે બનાવેલી માર્ગદર્શિકાઓની સમીક્ષા કરશે. આ સાથે તે ભવિષ્યમાં આવી ઘટનાઓનો સામનો કેવી રીતે કરવો તે અંગે માર્ગદર્શિકા આપશે.
12 જૂન ટાટા ગ્રુપના ઇતિહાસમાં એક કાળો દિવસ
આ અકસ્માત અંગે ટાટા ગ્રુપના ચેરમેન એન. ચંદ્રશેખરને કહ્યું કે 12 જૂન ગ્રુપ માટે સૌથી કાળો દિવસ હતો. તેમણે કર્મચારીઓને લખેલા પત્રમાં આ વાત કહી છે. તેમણે લખ્યું છે કે જે કંઈ થયું તે અવિશ્વસનીય છે, આપણે બધા શોક અને આઘાતમાં છીએ. એક પણ વ્યક્તિ ગુમાવવી એ ખૂબ જ દુઃખદ છે. આ ટાટા ગ્રુપના સૌથી કાળા દિવસોમાંનો એક છે. ચેરમેને વધુમાં કહ્યું કે ભારત, બ્રિટન અને અમેરિકાની તપાસ એજન્સીઓ અમદાવાદ પહોંચી ગઈ છે. તેમણે કહ્યું કે તપાસમાં જે કંઈ બહાર આવશે તે પારદર્શિતા સાથે શેર કરવામાં આવશે.
'ગુજરાતનું અપમાન સહન નહીં થાય': મુખ્યમંત્રી ભૂપેન્દ્ર પટેલના મલ્લિકાર્જુન ખડગે સામે આકરા પ્રહાર
