રાજ્યના મોટાભાગના વિસ્તારોમાં અત્યાર સુધીમાં વરસાદની ધમધમાટી રહી છે. હવામાન વિભાગે આજે સવારે ખાસ કરીને ઉત્તર અને દક્ષિણ ગુજરાત માટે ચેતવણી પાઠવી છે.
આગામી ત્રણ કલાક માટે ઓરેન્જ એલર્ટ
હવામાન વિભાગના અનુસંધાને આગામી ત્રણ કલાક એટલે કે બપોરના 1 વાગ્યા સુધી બનાસકાંઠા, પાટણ, મહેસાણા, સાબરકાંઠા, અરવલ્લી, મહિસાગર, દાહોદ, છોટા ઉદેપુર, નર્મદા, તાપી, ડાંગ, સુરત, ભરૂચ, નવસારી, વલસાડ, દમણ અને દાદરા-નગર હવેલી માટે ઓરેન્જ એલર્ટ જાહેર કરાયું છે.
દરિયામાં મછીમારો ગુમ
આ દરમિયાન પોરબંદરના તોફાની દરિયામાં માછીમારી માટે નીકળેલી 'જય સાંકરીયાઆઇ કૃપા' બોટ ગાયબ થઈ ગઈ છે. બોટમાં પાંચ માછીમારો હતા અને તેઓ હાલ ગુમ છે. કોસ્ટગાર્ડની ટીમે શોધખોળ શરૂ કરી છે અને સમગ્ર દરિયાકાંઠે સઘન તપાસ હાથ ધરાઈ છે.
છેલ્લા 24 કલાકનો વરસાદી આંકડો
રાજ્યમાં આજે સવારે 6 વાગ્યે પૂરાં થયેલા 24 કલાક દરમિયાન કુલ 232 તાલુકામાં વરસાદ નોંધાયો છે. જેમાં સૌથી વધુ નવસારી જિલ્લાના ચીખલી અને વલસાડમાં પોણા ચાર ઇંચ વરસાદ પડ્યો છે. રાજ્યના 51 જિલ્લામાં એક ઇંચથી વધુ વરસાદ નોંધાયો છે. અમદાવાદમાં પણ વહેલી સવારથી ધોધમાર વરસાદ વરસી રહ્યો છે.
આજે કેટલાં જિલ્લામાં એલર્ટ?
ઓરેન્જ એલર્ટ: કચ્છ જિલ્લામાં ભારે વરસાદની શક્યતા દર્શાવી ઓરેન્જ એલર્ટ જાહેર કરાયું છે
યલો એલર્ટ: બનાસકાંઠા, સાબરકાંઠા, અરવલ્લી, મહિસાગર, પંચમહાલ, દાહોદ, દેવભૂમિ દ્વારકા, પોરબંદર, નવસારી, વલસાડ, દમણ અને દાદરા નગર હવેલીમાં હળવાથી મધ્યમ વરસાદ માટે યલો એલર્ટ આપવામાં આવ્યું છે.
રાજ્યના નાગરિકોને હવામાન વિભાગ અને સ્થાનિક તંત્ર દ્વારા આપવામાં આવતી સૂચનાઓને અનુકૂળ રહેવાની અને જરૂરી સુરક્ષા ઉપાયો અપનાવવાની અપીલ કરવામાં આવી છે.
