Oppo Reno 15 Pro Mini : કંપનીએ Oppo Reno 15 Pro Mini નું નવું કલર વેરિઅન્ટ રજૂ કર્યું છે. આ સિરીઝ હાલમાં Oppo દ્વારા રજૂ કરવામાં આવી હતી જેમાં Oppo Reno 15, Reno 15 Pro, Reno 15 Pro Mini અને Reno 15c નો સમાવેશ થાય છે. કંપનીએ Oppo Reno 15 Pro Mini ને Cocoa Brown અને Glacier White કલર ઓપ્શનમાં રજૂ કર્યો હતો. હવે આ ફોનમાં એક નવો કલર વેરિઅન્ટ આપવામાં આવ્યો છે. ફોનનું વેચાણ 13 જાન્યુઆરીથી શરૂ થઈ ગયું હતું. Reno 15 Pro Mini એ Reno સિરીઝનો પહેલો કોમ્પેક્ટ ફોન છે, જેમાં 200mp નો કેમેરો અને 6.32 ઇંચની AMOLED ડિસ્પ્લે આપવામાં આવે છે. જાણો નવા Reno 15 Pro Mini માં શું ખાસ છે.
Oppo Reno 15 Pro Mini નો નવો કલર અને કિંમત
Oppo Reno 15 Pro Mini નું નવું Crystal Pink કલર વેરિઅન્ટ લોન્ચ કરવામાં આવ્યું છે. Oppo Reno 15 Pro Mini ના 12GB+256GB વેરિઅન્ટની કિંમત ₹59,999 છે, જ્યારે 12GB+512GB મોડલની કિંમત ₹64,999 છે. Oppo Reno 15 Pro Mini ને Cocoa Brown અને Glacier White સાથે હવે Crystal Pink કલર ઓપ્શનમાં ખરીદી શકાય છે. આ સ્માર્ટફોનનું વેચાણ 1 ફેબ્રુઆરીથી શરૂ થવાની શક્યતા છે. આ સ્માર્ટફોન Amazon, Flipkart, Croma વગેરે જેવા મુખ્ય રિટેલ સ્ટોર્સ પર ખરીદી માટે ઉપલબ્ધ રહેશે.
Oppo Reno 15 Pro Mini ની ડિસ્કાઉન્ટ ઓફર્સ
Oppo Reno 15 Pro Mini ની ખરીદી સાથે કંપની બેંક ઓફર્સ પણ આપી રહી છે. પસંદગીની બેંકો દ્વારા ખરીદી કરવા પર 10% ઇન્સ્ટન્ટ ડિસ્કાઉન્ટ મળે છે. કંપની 15 મહિના સુધી શૂન્ય ડાઉન પેમેન્ટ સ્કીમ પણ આપે છે. ગ્રાહકોને 180 દિવસનું કોમ્પ્લિમેન્ટરી સ્ક્રીન ડેમેજ પ્રોટેક્શન, તેમજ ₹2,000 સુધીનું એક્સચેન્જ બોનસ પણ મળે છે.
Oppo Reno15 Pro Mini ના ફીચર્સ
Oppo Reno15 Pro Mini માં 6.32 ઇંચની AMOLED ડિસ્પ્લે છે. તેમાં 1.5K રિઝોલ્યુશન, 120Hz રિફ્રેશ રેટ અને 3600 nits ની પીક બ્રાઇટનેસ સાથે ફ્લેટ OLED પેનલ છે. આ ફોન Octa-core Dimensity 8450 (4nm) ચિપસેટ દ્વારા સંચાલિત છે. તે Android 16 પર આધારિત ColorOS 16 પર ચાલે છે. ફોનમાં 200mp નો મુખ્ય કેમેરો છે. આ સાથે, 50mp નો અલ્ટ્રા-વાઇડ કેમેરો અને 50mp નો પેરિસ્કોપ લેન્સ આપવામાં આવ્યો છે. તેમાં 4K 60 fps રેકોર્ડિંગ ફીચર છે. સેલ્ફી અને વીડિયો કોલિંગ માટે 50mp નો ફ્રન્ટ કેમેરા આપવામાં આવ્યો છે. Oppo Reno 15 Pro Mini માં ધૂળ અને પાણીથી પ્રોટેક્શન આપવા માટે IP66+IP68+IP69 રેટિંગ છે. ફોનમાં 6200mAh બેટરી છે, જે 80W SuperVOOC ફાસ્ટ ચાર્જિંગ માટે સપોર્ટ કરે છે.
