Oppo Reno 15 series launched in India: Oppo એ ભારતમાં તેની નવી Reno 15 સિરીઝ લોન્ચ કરી છે. આ લાઇનઅપમાં Oppo Reno 15, Reno 15 Pro,Reno 15 Pro Mini અને Reno 15c સામેલ છે. નવી સિરીઝમાં, કંપનીએ પહેલીવાર Pro Mini વેરિઅન્ટ રજૂ કર્યું છે, જે કોમ્પેક્ટ સાઇઝ સાથે પ્રીમિયમ ફીચર્સ આપવાનો દાવો કરે છે. Oppo Reno 15 સિરીઝમાં 120Hz AMOLED ડિસ્પ્લે, 200MP સુધીનો કેમેરા, મીડિયાટેક ડાયમેન્સિટી 8450 અને સ્નેપડ્રેગન સિરીઝ પ્રોસેસર, 7000mAh સુધીની બેટરી અને 80W ફાસ્ટ ચાર્જિંગ સપોર્ટ છે. બધા સ્માર્ટફોન એન્ડ્રોઇડ 16 આધારિત ColorOS 16 પર કામ કરે છે.
Oppo Reno 15 સિરીઝની ડિસ્પ્લે
Oppo Reno 15 માં 6.59 ઇંચની 120Hz AMOLED ડિસ્પ્લે છે, ડિસપ્લેને Gorilla Glass 7i થી પ્રોટેક્ટ કરવામાં આવી છે. Oppo Reno 15 Pro માં 6.78 ઇંચની 120Hz AMOLED પેનલ છે, જે Corning Gorilla Glass Victus 2 થી પ્રોટેક્ટેડ છે. Oppo Reno 15 Pro Mini માં 6.32 ઇંચની 120Hz AMOLED ડિસ્પ્લે છે, જે Gorilla Glass 7i થી પ્રોટેક્ટ કરવામાં આવી છે. Oppo Reno 15c માં 6.57 ઇંચની 120Hz AMOLED પેનલ છે.
Oppo Reno 15 સિરીઝનું કેમેરા સેટઅપ
કેમેરા સેક્શનમાં, Oppo Reno 15 Pro અને Reno 15 Pro Mini બંનેમાં 200mp નો મુખ્ય કેમેરો, 50mp નો 3.5x ટેલિફોટો પોટ્રેટ કેમેરો અને 50mp નો અલ્ટ્રા-વાઇડ લેન્સ છે. Oppo Reno 15 માં 50mp નો મુખ્ય કેમેરો, 50mp નો 3.5x ટેલિફોટો કેમેરો અને 8mp નો અલ્ટ્રા-વાઇડ સેન્સર છે. Oppo Reno 15c માં 50mp નો મુખ્ય કેમેરો છે. સેલ્ફી અને વીડિયો કોલિંગ માટે, ચારેય સ્માર્ટફોનમાં 50mp નો ફ્રન્ટ કેમેરો છે.
Oppo Reno 15 સિરીઝની બેટરી અને ચાર્જિંગ
Oppo Reno 15 Pro અને Oppo Reno 15 Pro Mini માં MediaTek Dimensity 8450 ચિપસેટ આપવામાં આવ્યું છે. Oppo Reno 15 માં Snapdragon 7 Gen 4 પ્રોસેસર છે, જ્યારે Oppo Reno 15c માં Snapdragon 6 Gen 1 ચિપસેટ આપેલ છે. બેટરીની વાત કરીએ તો, Oppo Reno 15 માં 6000mAh બેટરી, Oppo Reno 15 Pro અને Oppo Reno 15 Pro Mini માં 6200mAh બેટરી અને Oppo Reno 15c માં 7000mAh ની બેટરી પેક કરે છે. કંપનીના જણાવ્યા અનુસાર, બધા સ્માર્ટફોનમાં 80W ના ફાસ્ટ ચાર્જિંગને સપોર્ટ કરે છે.
Oppo Reno 15 સિરીઝની કિંમત, ઉપલબ્ધતા
Oppo Reno 15 ની કિંમત 8GB RAM અને 256GB સ્ટોરેજવાળા બેઝ મોડલ માટે ₹45,999 થી શરૂ થાય છે. 12GB+256GB અને 12GB+512GB વેરિઅન્ટની કિંમત અનુક્રમે ₹48,999 અને ₹53,999 છે. તે Twilight Blue, Glacier White અને Aurora Blue કલરમાં ઉપલબ્ધ છે. Oppo Reno 15 Pro Mini ના 12GB+256GB વેરિઅન્ટની કિંમત ₹59,999 છે, જ્યારે 12GB+512GB મોડલની કિંમત ₹64,999 છે. આ સ્માર્ટફોન Cocoa Brown અને Glacier White કલર ઓપ્શનમાં આવે છે. Oppo Reno 15 Pro ની કિંમત ₹67,999 થી ₹72,999 સુધીની છે અને તે Cocoa Brown અને Sunset Gold કલર ઓપ્શનમાં ઓફર કરવામાં આવે છે. Oppo Reno 15c ની કિંમત ₹34,999 થી શરૂ થાય છે. Oppo Reno 15, Reno 15 Pro અને Reno 15 Pro Mini નું વેચાણ 13 જાન્યુઆરી, 2026 થી શરૂ થશે, જ્યારે Reno 15c ફેબ્રુઆરીમાં ઉપલબ્ધ થશે.
