OnePlus 15T will be launched with a 7000mAh battery: મોટી હેન્ડસેટ કંપનીઓમાંની એક, OnePlus, ટૂંક સમયમાં એક નવો સ્માર્ટફોન લોન્ચ કરે તેવી અપેક્ષા છે. કેટલાક રિપોર્ટ્સમાં OnePlus 15T ની ડિઝાઇન અને ફીચર્સ જાહેર થયા છે. આ સ્માર્ટફોનમાં Snapdragon 8 Elite Gen 5 પ્રોસેસર સાથે હોવાની અપેક્ષા છે. કંપનીએ અગાઉ આ સિરીઝમાં OnePlus 15 અને OnePlus 15R લોન્ચ કર્યા છે. એક રિપોર્ટમાં જાણવા મળ્યું હતું કે, આગામી સ્માર્ટફોન માર્ચમાં લોન્ચ થઈ શકે છે. તેમાં Snapdragon 8 Elite Gen 5 પ્રોસેસર હોઈ શકે છે. આ સ્માર્ટફોન ભારતમાં OnePlus 15s તરીકે લોન્ચ થઈ શકે છે.
OnePlus 15T ની ડિસ્પ્લે અને સ્ટોરેજ ઓપ્શન
OnePlus 15T માં 1.5K રિઝોલ્યુશન અને 165Hz રિફ્રેશ રેટ સાથે 6.3 ઇંચની LTPS ડિસ્પ્લે હોવાની અપેક્ષા છે. સ્માર્ટફોનના ડ્યુઅલ રીઅર કેમેરા સેટઅપમાં 50mp નો મુખ્ય કેમેરો અને 50mp નો Samsung JN5 ટેલિફોટો કેમેરો સામેલ હોઈ શકે છે. તેમાં વાયરલેસ ચાર્જિંગ માટે સપોર્ટ સાથે 7500mAh બેટરી પેક થઈ શકે છે. તેમાં સુરક્ષા માટે 3D અલ્ટ્રાસોનિક ફિંગરપ્રિન્ટ સેન્સર પણ હોઈ શકે છે. તે ગયા વર્ષે એપ્રિલમાં લોન્ચ થયેલા OnePlus 13T નું અપગ્રેડેડ વર્ઝન હોઇ શકે છે. OnePlus 15T પાંચ RAM અને સ્ટોરેજ ઓપ્શનમાં ઉપલબ્ધ હોઈ શકે છે. સ્માર્ટફોન 12GB RAM અને 256GB સ્ટોરેજ સાથે, 12GB+512GB, 16GB+256GB, 16GB+512GB, અને 16GB+1TB સાથે આવી શકે છે.
OnePlus 15 ના ફીચર્સ અને કેમેરા સેટઅપ
OnePlus 15 માં 6.78 ઇંચની FHD+ (1,272x2,772 પિક્સેલ્સ) 1.5K LTPO AMOLED ડિસ્પ્લે છે, જેનો રિફ્રેશ રેટ 165 Hz સુધી અને પીક બ્રાઇટનેસ લેવલ 1,800 nits છે. આ સ્માર્ટફોન Snapdragon 8 Elite Gen 5 ચિપસેટ અને Android 840 GPU દ્વારા સંચાલિત છે. તે Android 16 પર આધારિત Color OS 16 પર ચાલે છે. સ્માર્ટફોનમાં થર્મલ મેનેજમેન્ટ માટે Ice River vapor cooling સિસ્ટમ છે. OnePlus 15 ના ટ્રિપલ રીઅર કેમેરા યુનિટમાં 50mp નો મુખ્ય કેમેરો, 50mp નો પેરિસ્કોપ ટેલિફોટો કેમેરો અને 50mp નો અલ્ટ્રા-વાઇડ કેમેરાનો સમાવેશ થાય છે. સ્માર્ટફોનના આગળના ભાગમાં સેલ્ફી અને વિડિયો કૉલ્સ માટે 32mp નો કેમેરો છે.
