Stock Market News: ભારતીય શેરબજારમાં નબળા સેન્ટિમેન્ટ વચ્ચે પણ એક નવા આઈપીઓએ રોકાણકારોના ચહેરા પર સ્મિત લાવી દીધું છે. ડિજિટલ ધિરાણ ક્ષેત્રની જાણીતી કંપની OneEMI ટેકનોલોજી સોલ્યુશન્સ લિમિટેડ (OnEMI Technology Solutions) એ શેરબજારમાં મજબૂત એન્ટ્રી કરી છે. લિસ્ટિંગના પહેલા જ દિવસે કંપનીના શેર ₹200ના સ્તરને વટાવી ગયા હતા, જે દર્શાવે છે કે રોકાણકારોમાં ટેકનોલોજી આધારિત ફાઇનાન્સ કંપનીઓ પ્રત્યે ભારે વિશ્વાસ છે. ગ્રે માર્કેટના પોઝિટિવ સંકેતો બાદ બજારમાં થયેલા આ લિસ્ટિંગે લિસ્ટિંગ ગેઇન મેળવવાની રાહ જોતા રોકાણકારોની આશા પૂરી કરી છે.
લિસ્ટિંગ પ્રાઇસ: રોકાણકારોને મળ્યું શાનદાર પ્રીમિયમ
OneEMI ટેકનોલોજીના શેરનું લિસ્ટિંગ અપેક્ષા મુજબ મજબૂત રહ્યું છે. બોમ્બે સ્ટોક એક્સચેન્જ (BSE) પર કંપનીના શેર ₹191 પર લિસ્ટ થયા હતા, જે તેની મૂળ ઇશ્યૂ પ્રાઇસ ₹171 કરતા 11.7% વધુ હતા. લિસ્ટિંગ બાદ તરત જ શેરમાં તેજી જોવા મળી અને તે ₹205.60 સુધી પહોંચી ગયા હતા. બીજી તરફ, નેશનલ સ્ટોક એક્સચેન્જ (NSE) પર શેરનું લિસ્ટિંગ ₹190 પર થયું હતું, જે રોકાણકારો માટે 11.11% ના પ્રીમિયમ સમાન હતું. હાલમાં આ શેર NSE પર ₹208.05ની આસપાસ ટ્રેડ થઈ રહ્યો છે.
ખિસ્સામાં રાખેલા 1 લાખ ક્યારે 14 કરોડ થઈ ગયા ખબર પણ ના પડી!: આ શેરના જાદુએ રોકાણકારોની પેઢીઓ તરી ગઈ
9 ગણાથી વધુ સબસ્ક્રિપ્શન સાથે મળ્યો પ્રતિસાદ
આ આઈપીઓ 30 એપ્રિલથી 5 મે દરમિયાન સબસ્ક્રિપ્શન માટે ખુલ્લો મૂકવામાં આવ્યો હતો. કંપનીના ₹850 કરોડના આ આઈપીઓ માટે રોકાણકારોમાં ભારે ક્રેઝ જોવા મળ્યો હતો, જેના કારણે કુલ 9.96 ગણું સબસ્ક્રિપ્શન મળ્યું હતું. સૌથી વધુ ઉત્સાહ ક્વોલિફાઇડ ઇન્સ્ટિટ્યૂશનલ બાયર્સ (QIB) માં જોવા મળ્યો હતો, જેમના માટેનો ક્વોટા 25.97 ગણો ભરાયો હતો. રિટેલ રોકાણકારોએ પણ આમાં 2.13 ગણું રોકાણ કર્યું હતું. આ આંકડાઓ સાબિત કરે છે કે કંપનીના બિઝનેસ મોડલમાં રોકાણકારોને મોટું ભવિષ્ય દેખાઈ રહ્યું છે.
કંપની વિશે અને પ્રમોટર્સની વિગત
વર્ષ 2016માં સ્થપાયેલી OneEMI ટેકનોલોજી સોલ્યુશન્સ લિમિટેડ એક ફિનટેક કંપની છે, જે તેની મોબાઈલ એપ્લિકેશન દ્વારા ગ્રાહકોને વિવિધ જરૂરિયાતો માટે ડિજિટલ લોન અને ઈન્સ્ટોલમેન્ટ પેમેન્ટની સુવિધા આપે છે. આ કંપનીના મુખ્ય પ્રમોટર્સ રણવીર સિંહ અને કૃષ્ણન વિશ્વનાથન છે. આઈપીઓ પહેલા કંપનીમાં પ્રમોટર્સનો હિસ્સો 32.30 ટકા હતો, જે હવે ઘટીને 23.33 ટકા થઈ ગયો છે. કંપનીના આ મજબૂત લિસ્ટિંગથી ફિનટેક સેક્ટરમાં ફરી એકવાર તેજીનો માહોલ જોવા મળી રહ્યો છે.
હવે ATM અને UPIથી ઉપાડી શકાશે PFના પૈસા: કરોડો કર્મચારીઓને મળશે મોટી રાહત, જાણો કયારથી મળશે લાભ
રોકાણકારો માટે ગણિત: કેટલો થયો નફો?
આ આઈપીમાં રોકાણકારોએ ઓછામાં ઓછા 1 લોટ (87 શેર) માટે ₹14,877નું રોકાણ કર્યું હતું. લિસ્ટિંગના દિવસે જ શેરનો ભાવ ₹208ની આસપાસ પહોંચતા, રોકાણકારોને પ્રતિ શેર આશરે ₹37 સુધીનો નફો મળી રહ્યો છે. એટલે કે એક જ લોટ પર રોકાણકારોને ₹3,200થી વધુનો લિસ્ટિંગ ગેઇન થયો છે. નિષ્ણાતોનું માનવું છે કે લાંબા ગાળા માટે આ કંપનીમાં રહેલું રોકાણ ફાયદાકારક સાબિત થઈ શકે છે, જોકે બજારની વધઘટ પર નજર રાખવી જરૂરી છે.
