અમેરિકન ટેક કંપની Nvidia એ આજે એક શક્તિશાળી કમ્પ્યુટિંગ ડિવાઇસ ‘Jetson Thor’ લોન્ચ કર્યું છે. કંપનીનો દાવો છે કે આ ડિવાઇસ ભવિષ્યમાં રોબોટ્સને માણસોની જેમ વિચારવા, સાંભળવા અને તરત જ પ્રતિક્રિયા આપવા સક્ષમ બનાવશે.
ઇન્ટરનેટ વગર કરશે કામ
Nvidia ના CEO જેન્સેન હુઆંગે જણાવ્યું કે ભવિષ્યમાં અબજો રોબોટ્સ માણસોને મદદ કરશે અને કંપની આ ક્ષેત્રમાંથી ટ્રિલિયન ડોલરની આવક મેળવશે. Jetson Thor માં Nvidia નું નવીનતમ Blackwell ગ્રાફિક્સ પ્રોસેસર છે, જે સૌથી અદ્યતન જનરેટિવ AI મોડેલ્સ ચલાવી શકે છે.
આ ડિવાઇસની સૌથી મોટી ખાસિયત એ છે કે તે રોબોટ્સને ઇન્ટરનેટ કે ક્લાઉડ વિના પણ રીઅલ-ટાઇમ નિર્ણય લેવા સક્ષમ બનાવે છે. એટલે કે કનેક્ટિવિટી ખોવાય તો પણ રોબોટ સંપૂર્ણ રીતે સક્રિય રહેશે.
ઓછી વીજળી, વધુ પ્રદર્શન
Nvidia બ્લોગ અનુસાર, Jetson Thor ઓછી વીજળી વાપરીને વધારે પરફોર્મન્સ આપે છે.
ડેવલપર બોર્ડનું પ્રદર્શન: 2070 ટેરાફ્લોપ્સ
પાવર વપરાશ: 40 થી 130 વોટ
આ પાવર સામાન્ય લેપટોપ કરતાં થોડું વધારે છે, પણ બેટરી સંચાલિત રોબોટ્સ માટે પૂરતું યોગ્ય છે.
સ્વ-નિર્ભર રોબોટ્સ પર ફોકસ
કંપનીનું લક્ષ્ય ફક્ત હ્યુમનોઇડ રોબોટ્સ પૂરતું નથી. Nvidia હવે એવા સામાન્ય રોબોટ્સ પર પણ ધ્યાન કેન્દ્રિત કરી રહી છે, જે વિવિધ કાર્યો સમજીને આત્મનિર્ભર રીતે પૂર્ણ કરી શકે. Thor થી સજ્જ રોબોટ્સ ઉત્પાદન એકમોથી લઈને અન્ય ક્ષેત્રોમાં ઉપયોગી બની શકે છે.
કિંમત અને ઉપલબ્ધતા
Jetson Thor AGX કમ્પ્યુટર સિસ્ટમ: $3,499 (રૂ. 3,06,799)
સ્પેસિફિકેશન્સ: 14 ARM CPU કોર, 128GB RAM, ગીગાબિટ ઇથરનેટ પોર્ટ
પ્રોડક્શન બોર્ડ્સ:
T5000 – 130 વોટ પાવર
T4000 – 70 વોટ પાવર (નાની બેટરીવાળા રોબોટ્સ માટે યોગ્ય)
ડેવલપર્સ હવે આ બોર્ડનો ઉપયોગ કરીને નવા અને વધુ સ્માર્ટ રોબોટ્સ બનાવી શકશે.
